நாங்க தேமுதிக... அவங்க மக்கள் நலக் கூட்டணி.. "பங்காளி" மட்டும்தான்.. "கூட்டாளி"கள் அல்ல!
சென்னை: மக்கள் நலக் கூட்டணியுடன் தேமுதிக தேர்தல் உடன்பாடு கொண்டிருந்தாலும் கூட இருவரும் தத்தமது பெயர்களிலையே தொடர்ந்து தனித்து இயங்கவுள்ளனர்.
இது கூட்டணி அல்ல. வெறும் தொகுதிப் பங்கீடும், உடன்பாடும் மட்டுமே. நீ இவ்வளவு தொகுதிகளில் போட்டியிட்டுக்கோ, நாங்க இதில் நின்று கொள்கிறோம். மற்றபடி நமக்குள் எந்தக் கூட்டணியும் கிடையாது, கொள்கையும் கிடையாது. தேமுதிக வெளியிட்டுள்ள அறிக்கையைப் பார்த்தால் நமக்கு இப்படித்தான் தோன்றுகிறது.
தேமுதிக- மநகூ கூட்டணி ஒப்பந்தம் #DMDK #MNK pic.twitter.com/6c8QgUWDYO
— Oneindia Tamil (@thatsTamil) March 23, 2016
தேமுதிக வெளியிட்டுள்ள அறிக்கையில் எந்த ஒரு இடத்திலும் கூட்டணி அமைத்து, கூட்டு சேர்ந்து என்று எந்த வார்த்தையும் இடம் பெறவில்லை.
டைரக்டாக தொகுதி உடன்பாடு ஒப்பந்தம் என்று போட்டு விட்டார்கள். மேலும் தேமுதிக இத்தனை இடங்களில் போட்டியிடும், மக்கள் நலக் கூட்டணி இத்தனை இடங்களில் போட்டியிடும் என்றும் தேமுதிக கூறியுள்ளது. இதனால் இவர்கள் ஒரே கூட்டணியாகப் போட்டியிடவில்லை.
இதன் மூலம் இது கூட்டணி அல்ல என்பதை தேமுதிக தெளிவுபடுத்தியுள்ளது. எனவே இவர்கள் கூட்டாக பிரசாரம் செய்வார்களா, கூட்டணியாக தேர்தல் அறிக்கை வெளியிடுவார்களா என்றெல்லாம் எதிர்பார்க்க முடியாது.
இப்படி ஒரு வித்தியாசமான, வினோதமான தேர்தல் பங்காளிகளை, தமிழக தேர்தல் களம் இதற்கு முன்பு சந்தித்ததாக நமக்கு நினைவில்லை.
Click it and Unblock the Notifications
Sign in with Google