கிருஷ்ணகிரியிலிருந்து.... விஜயகாந்தின் இரண்டாம் கட்ட தேர்தல் பிரச்சாரம் துவக்கம்

சென்னை: தமிழக சட்டசபைத் தேர்தலுக்கான இரண்டாம் கட்ட தேர்தல் பிரச்சாரத்தினை வரும் 18-ந் தேதி கிருஷ்ணகிரியில் இருந்து துவங்குகின்றார் தேமுதிக தலைவர் விஜயகாந்த்.

சட்டசபை தேர்தலில் மக்கள் நலக் கூட்டணி- தமாகாவுடன் கை கோர்த்துள்ளது தேமுதிக. தேமுதிக மட்டும் 104 தொகுதிகளில் போட்டியிடுகிறது. இத்தேர்தலுக்கான முதல் கட்ட பிரசாரத்தை கும்மிடிப்பூண்டியில் இருந்து தொடங்கினார் விஜயகாந்த்.

தற்போது விஜயகாந்தின் 2-வது கட்ட பிரசார பயணம் அறிவிக்கப்பட்டுள்ளது. அதன் விவரம்:

18 ஆம் தேதி கிருஷ்ணகிரி - ஓசூர், தருமபுரி, 19 ஆம் தேதி சேலம் கிழக்கு - ஏற்காடு, சேலம் மேற்கு, ஓமலூர், 20 ஆம் தேதி நாமக்கல், கரூர்-குளித்தலை, 21 ஆம் தேதி ஈரோடு தெற்கு - ஈரோடு(கிழக்கு), ஈரோடு வடக்கு - அந்தியூர், 22 ஆம் தேதி திருப்பூர் வடக்கு- காங்கேயம், திருப்பூர் தெற்கு - உடுமலைப்பேட்டை, 23 ஆம் தேதி நீலகிரி-குன்னூர், கோவை வடக்கு, கோவை தெற்கு- சூளூர் ஆகிய இடங்களில் பிரச்சாரம் மேற்கொள்கின்றார்.

24 ஆம் தேதியன்று திண்டுக்கல் கிழக்கு மற்றும் மேற்கு, வேடசந்தூரில் பிரச்சாரம் மேற்கொள்கிறார். அதே தினத்தில் மதுரையிலும் பிரச்சாரம் மேற்கொள்ள உள்ளார் விஜயகாந்த்.

25 ஆம் தேதியன்று தேனி ஆண்டிப்பட்டியிலும், மதுரை மேற்கு- திருமங்கலம் சுற்றுவட்டாரப் பகுதிகளிலும் தேமுதிக, தாமக, மநகூ கூட்டணி வேட்பாளர்களை ஆதரித்து பிரச்சாரம் மேற்கொள்ள உள்ளார் தேமுதிக தலைவர் விஜயகாந்த்.

English summary

Vijayakanth தேமுதிக தலைவர் விஜயகாந்த் இரண்டாவது கட்டமாக கிருஷ்ணகிரியில் இருந்து தேமுதிக, தாமக, மநகூ கூட்டணி வேட்பாளர்களை ஆதரித்து பிரச்சாரம் மேற்கொள்ள உள்ளார்.