விஜயகாந்த் பிரசாரம் செய்வது தேமுதிகவுக்கு 'விளையாட்டா'ப் போச்சு போல..!

Updated: Friday, November 29, 2013, 16:14 [IST]

Subscribe to Oneindia Tamil

சென்னை: தேமுதிகவை கிண்டலடிப்பது போலவே எழுதுகிறீர்களே என்று நிறையப் பேர் விசனப்படுகிறார்கள். ஆனால் அவர்களே சுண்டலை எடுத்து சாப்பிடுங்க என்று கூறுவது போல நடந்து கொண்டால் என்ன செய்வது.. அப்படி ஒரு மேட்டர்தான் இது...

தேமுதிக இணையதளத்தில் ஏதாவது இருக்கிறதா என்று ஒரு விசிட் அடித்தோம்.

பரவாயில்லை. நன்றாகவே இருக்கிறது. முன்பை விட இப்போது லேட்டஸ்ட் கட்சி செய்திகளையும், புகைப்படங்ளையும் வேகமாகவே அப்டேட் செய்கிறார்கள்.

என்டர் தி சைட்...!

இணையதளத்திற்குள் நுழைந்ததுமே, நம்மை விஜயகாந்த் பெருவிரலை உயர்த்தி, புன்னகை பூக்கும் முகத்துடன் வரவேற்கிறார். கூடவே 2016 நமது லட்சியம், அதை வெல்வது நிச்சயம் என்ற பன்ச் வாசகங்களும் பளிச்சிடுகின்றன.

உள்ளே வந்தாச்சா!

அடுத்து உள்ளே போகிறோம். அங்கு போய்ப் பார்த்தால், டிக்கர் ஓடுகிறது.. சைடில் கேப்டன் டிவியில் யாரோ செய்தி வாசிக்கிறார்கள்... சைடில் கீழே பார்த்தால், லேட்டஸ்ட் கமெண்ட் எல்லாம் போட்டிருக்கிறார்கள்.

'லெப்ட்'டில் திரும்பிப் பார்த்தால்...!

அப்படியே இணையதளத்தின் இடது புறம் பாருங்கள்.. ரீசன்ட் கமென்ட்ஸ் என்று ஒரு டிக்கர் ஓடிக் கொண்டிருக்கும்.. அதெல்லாம் நல்லாத்தான் இருக்கு...

'ரீசன்ட் கேம்ஸ்'... அப்படின்னா...??

அதுக்குக் கீழே பார்த்தால்.. கொஞ்சம் கீழே வாங்க.. வந்தீங்களா...கருப்பு பேக்கிரவுண்டில், மஞ்சள் கலரில் ரீசன்ட் கேம்ஸ் என்று ஒரு வாசகம் வருகிறது... அங்கதாங்க சந்தேகம் வந்தது.

விஜயகாந்த் பேசுவது விளையாட்டாப் போச்சா...??

இந்த ரீசன்ட் கேம்ஸ் என்ற தலைப்புக்குக் கீழ் விஜயகாந்த் டெல்லியில் நடந்த பிரசாரத்தி்ல பேசியது, அவரது முக்கியமான அறிக்கைகள் உள்பட பலவற்றைப் போட்டு வைத்து, இணைப்பும் கொடுத்துள்ளனர். ஒரு வேளை விஜயகாந்த் பேசுவதும், எழுதுவதும், பிரசாரம் செய்வதும் விளையாட்டுத்தனமாக தேமுதிக நினைக்கிறதோ...

தப்பு என் மேல இல்லீங்க.. 'கேம்ஸ்' என்பதற்கு என்ன அர்த்தம்னு தெரியலீங்க.. அவ்வளவுதாங்க!