திமுக, அதிமுகவைத் தவிர மற்ற அனைத்துமே சுயேச்சைகள்தான்.. காதர் மொகிதீன்

Published: Monday, February 17, 2014, 12:22 [IST]

Subscribe to Oneindia Tamil

திருச்சி: தமிழகத்தில் திமுக, அதிமுகவைத் தவிர மற்றவர்கள் அனைவரும் சுயேச்சை கட்சிகள்தான் என்று இந்திய யூனியன் முஸ்லீம் லீக் கட்சித் தலைவர் பேராசிரியர் காதர் மொகிதீன் தெரிவித்துள்ளார்.

திருச்சியில் நடந்த திமுக மாநில மாநாட்டில் நேற்று காதர் மொகிதீன் உரை நிகழ்த்தினார். மாநாட்டில் அவர் பேசுகையில்,

பொது சிவில் சட்டத்தை முஸ்லிம் இயக்கங்கள் தொடர்ச்சியாக எதிர்த்து வருகின்றன. இதை அப்படியே ஆதரித்தும், பொது சிவில் சட்டத்தை எதிர்த்தும் நிற்கும் கட்சி திமுக. ஆனால், அதிமுக பொது சிவில் சட்டத்தை ஆதரிக்கிறது.

இப்படியாக திமுகவுக்கும் சிறுபான்மையினருக்கும் இடையே உள்ள ஒற்றுமைகளை ஏராளமாகப் பட்டியலிட முடியும்.

தமிழ்நாட்டில் சமூக அமையும், திராவிட- தமிழ் மக்களுக்கு ஆதரவான அந்த உணர்வும் பழுதுபட்டு விடாமல் பாதுகாக்கப்பட வேண்டும். தமிழ்நாட்டைப் பொருத்தவரை திமுகவுக்கும், அதிமுகவுக்கும்தான் போட்டி. வேறு எந்தக் கட்சியும், கூட்டணியும் இங்கில்லை.

இந்த இரண்டைத் தவிர மற்றவை அனைத்தும் சுயேச்சை அந்தஸ்துள்ள அணிதான், கட்சிகள்தான். கூட்டணி என்ற சிறப்பு இல்லை என்றார் காதர் மொகிதீன்.

Published On February 17, 2014