கருணாநிதிக்காக மொட்டை அடித்து அலகு குத்திய தொண்டர்.. வைரலாகும் போட்டோ!

திமுக தலைவர் கருணாநிதிக்காக தொண்டர் ஒருவர் மொட்டையடித்து அலகு குத்தி வலம் வரும் போட்டோ சமூக வலைதளங்களில் வைரலாகியுள்ளது.

By Kalaimathi

Updated: Tuesday, July 31, 2018, 16:19 [IST]

Recommended Video

காவேரி மருத்துவமனை முன் திமுக தொண்டர்கள் மொட்டை!- வீடியோ

சென்னை: திமுக தலைவர் கருணாநிதிக்காக தொண்டர் ஒருவர் மொட்டையடித்து அலகு குத்தி வலம் வரும் போட்டோ சமூக வலைதளங்களில் வைரலாகியுள்ளது.

திமுக தலைவர் கருணாநிதியின் உடல் நிலை கடந்த ஒரு வாரமாக மோசமடைந்துள்ளனது. முதலில் வீட்டிலிருந்து சிகிச்சை பெற்று வந்த கருணாநிதி தற்போது காவேரி மருத்துவமனையில் சிகிச்சை பெற்று வருகிறார்.

நான்காவது நாளாக கருணாநிதிக்கு சிகிச்சையளிக்கப்பட்டு வருகிறது. கருணாநிதியின் உடல்நிலை குறித்து அவ்வப்போது வதந்திகளும் பரவி வருகின்றன. இதனால் மருத்துவமனை முன்பு தொண்டர்கள் குவிந்த வண்ணம் உள்ளனர்.

திமுகவினர் வழிபாடு

இந்நிலையில் பெரியார் கொள்கைகளை பின்பற்றும் திமுகவினர் கருணாநிதி நலம்பெற வேண்டி மொட்டை அடிப்பது, பூசணிக்காய் சுற்றுவது, விளக்குகளை ஏந்தி கோவில்களில் சிறப்பு வழிபாடு நடத்துவது, தேவாலயங்களில் கூட்டு பிரார்த்தனை செய்வது என ட்ராக் மாறி செல்கின்றனர்.

மூடத்தனங்களில் ஈடுபடாதீர்கள்

திமுகவினரின் இந்த செயல்களை சமூக வலைதளங்களில் பலரும் விமர்சித்து வருகின்றனர். திமுகவினர் பிரார்த்தனை போன்ற மூடத்தனங்களில் ஈடுபடக்கூடாது என திக தலைவர் கி வீரமணி நேற்று அறிக்கை விடுத்திருந்தார்.

ஜெய் கருணாநிதி 🚩 pic.twitter.com/vhyGMTQt98
— ℳᏒ.காவி™ (@Ramke_twits) July 31, 2018

அலகு குத்திய தொண்டர்

இந்நிலையில் இன்று திமுக தொண்டர் ஒருவர் கருணாநிதி நலம் பெறவேண்டி மொட்டையடித்து அலகு குத்தியுள்ளார். இந்த போட்டோ வைரலாகியுள்ளது.

அலகில் கட்சி கொடி

திமுக கரைவேட்டி கட்டி கரை துண்டை அணிந்தபடி உள்ள அந்த நபர் தனது சட்டையில் கருணாநிதி, ஸ்டாலின் உருவங்கள் பதிக்கப்பட்ட சட்டையை அணிந்துள்ளார். அலகின் இருபுறமும் கட்சியின் கொடியை கட்டி வலம் வருகிறார் அந்த விசுவாசி.