கருணாநிதி முகத்தைக் காண துடிக்கும் தொண்டர்கள்... பெரும் கூட்ட நெரிசல்.. போலீஸ் திணறல்

சென்னை: ராஜாஜி ஹாலில் வைக்கப்பட்டுள்ள கருணாநிதியின் உடலை பார்க்க தொண்டர்கள் துடிப்பதால் பெரும் கூட்ட நெரிசல் ஏற்பட்டுள்ளது.

திமுக தலைவர் கருணாநிதியின் உடல் பொதுமக்களின் அஞ்சலிக்காக சென்னை ராஜாஜி ஹாலில் வைக்கப்பட்டுள்ளது. காலை முதலே அவரது உடலுக்கு பல்வேறு அரசியல் கட்சித் தலைவர்களும் திரைத்துறையினரும் அஞ்சலி செலுத்து வருகின்றனர்.

பல்லாயிரக்கணக்கான பொதுமக்களும் கருணாநிதியின் உடலுக்கு கண்ணீர் அஞ்சலி செலுத்தி வருகின்றனர். தொலைவில் இருந்தே தொண்டர்கள் கருணாநிதிக்கு அஞ்சலி செலுத்த அனுமதிக்கப்பட்டுள்ளனர்.

இதனால் கருணாநிதியின் முகத்தை தெளிவாக பார்க்க முடியாமல் தொண்டர்கள் தவித்து வருகின்றனர். ஒரு கட்டத்தில் போலீஸ் தடுப்பையும் மீறி தொண்டர்கள் கருணாநிதியின் உடலின் அருகே சென்றுவிட்டனர்.

அவர்களை கட்டுப்படுத்த முடியாமல் போலீஸார் திணறி வருகின்றனர். இதைத்தொடர்ந்து பாதுகாப்புக்காக அப்பகுதியில் கூடுதல் போலீஸார் குவிக்கப்பட்டுள்ளனர்.

English summary

DMK cadres eagar to see Karunanidhi face. The police are unable to control them.