தலைவர்கள் வருகையால் பதற்றம்... கோபாலபுரத்தில் குவிந்த திமுக தொண்டர்கள்
திமுக தலைவர் கருணாநிதியின் உடல்நிலை பாதிக்கப்பட்டுள்ளதால் அவரை நலம் விசாரிக்க தலைவர்கள் கோபாலபுரத்துக்கு வந்த வண்ணம் உள்ளனர்.
Recommended Video
சென்னை: திமுக தலைவர் கருணாநிதியின் உடல்நிலை பாதிக்கப்பட்டுள்ளதால் அவரை நலம் விசாரிக்க தலைவர்கள் கோபாலபுரத்துக்கு வருவதால் அங்கு தொண்டர்களும் குவிந்துள்ளனர்.
திமுக தலைவர் கருணாநிதிக்கு தற்போது உடல்நிலையில் பிரச்சனை ஏற்பட்டு இருக்கிறது. அவருக்கு கடந்த 2 நாட்களாக காய்ச்சல் ஏற்பட்டுள்ளது. அதேபோல் சிறுநீரக பாதையில் ஏற்பட்ட தொற்று ஏற்பட்டு இருக்கிறது.
இதனால் மருத்துவமனையில் தங்காமல் அவர் வீட்டில் இருந்து கொண்டு சிகிச்சை பெற்று வருகிறார். அவரது உடல்நலம் தேறி வருவதாக காவேரி மருத்துவமனை அறிவித்தது.
இதையடுத்து இரவு ஓபிஎஸ், அமைச்சர்கள் ஜெயக்குமார், தங்கமணி உள்ளிட்டோர் கோபாலபுரம் இல்லத்துக்கு சென்று கருணாநிதியின் உடல்நிலை குறித்து விசாரித்தனர். இதைத் தொடர்ந்து கமல், கே பாலகிருஷ்ணன், திருமாவளவன் உள்ளிட்டோரும் சென்று விசாரித்தனர்.
இதனால் கோபாலபுரமே பரபரப்பாகியுள்ளது. இதையடுத்து ஏராளமான தொண்டர்கள் கருணாநிதியின் வீடு முன்பு குவிந்துள்ளனர். அப்போது கருணாநிதி வாழ்க என கோஷமிட்டனர்.
Click it and Unblock the Notifications
Sign in with Google