காங்கேயத்தை காங்கிரசிடம் இருந்து திரும்ப வாங்குமா திமுக?

காங்கேயம்: காங்கேயம் தொகுதியில் எளிதில் வென்று விட முடியும் என்பதால் காங்கிரஸிடம் இருந்து திமுக திரும்ப வாங்க வேண்டும் என்று அக்கட்சியினர் எதிர்பார்ப்பை தெரிவித்துள்ளனர்.

திமுக கூட்டணியில் காங்கிரஸ் கட்சிக்கு காங்கேயம் தொகுதி ஒதுக்கப்பட்டுள்ளது. அதிமுக அணியில் கொங்கு இளைஞர் பேரவை தனியரசுக்கு ஒதுக்கப்பட்டுள்ளது.

தனியரசு கவுண்டர்களுக்கான ஜாதிய அமைப்பை நடத்தி வருகிறவர்; அவருக்கு அந்த சமூகத்திலேயே ஆதரவு இல்லை; அதிமுகவினரும் தனியரசு ஜெயிப்பதை விரும்பவில்லை என கூறப்படுகிறது.

அதே நேரத்தில் காங்கிரஸ் கட்சி, காங்கேயத்தில் மிகவும் பலவீனமாக இருக்கிறது; இது தனியரசுவுக்கு சாதகமான அம்சமாக இருந்து வருகிறது. ஆனால் காங்கிரஸுக்கு பதில் திமுக இத்தொகுதியில் வேட்பாளரை நிறுத்தினால் நிச்சயம் தனியரசுவுக்கு தோல்வி ஏற்படும் என்பது அக்கட்சி தொண்டர்களின் கருத்தாக இருக்கிறது.

ஆகையால் எப்படியும் காங்கேயத்தை காங்கிரஸிடம் இருந்து திமுக திரும்ப வாங்க வேண்டும் என எதிர்பார்க்கின்றனர் தொண்டர்கள்.

English summary

DMK Cadres protest for Kangeyam seat.