திமுக சார்பில் எம்.பி. தேர்தலில் போட்டியிட விருப்பமா... 20ம் தேதி முதல் விண்ணப்பிக்கலாம்

சென்னை: திமுக சார்பில் நாடாளுமன்றத் தேர்தலில் போட்டியிட விரும்புவோர் தங்களது விருப்ப மனுக்களை விண்ணப்பங்கள் மூலம் தரலாம் என்று திமுக தலைமைக் கழகம் அறிவித்துள்ளது.

இதுதொடர்பாக கட்சி பொதுச் செயலாளர் க. அன்பழகன் வெளியிட்டுள்ள அறிக்கை...

நடைபெறவிருக்கும் நாடாளுமன்றப் பொதுத்தேர்தலில் திராவிட முன்னேற்றக் கழகத்தின் சார்பில் வேட்பாளராக போட்டியிட விரும்புவோருக்கான விண்ணப்பப் படிவங்கள் வருகிற 20-1-2014 முதல் அண்ணா அறிவாலயத்திலுள்ள தலைமைக் கழகத்தில் கிடைக்கும்.

போட்டியிட விரும்புகின்ற கழகத் தோழர்கள் விண்ணப்பத்தை பூர்த்தி முறையாக செய்து, 30-1-2014 அன்று மாலை 6 மணிக்குள் தலைமைக் கழகத்தில் சேர்ப்பித்திட வேண்டுமென கேட்டுக்கொள்ளப்படுகிறார்கள்.

பொதுத் தொகுதி வேட்பாளர் விண்ணப்பக் கட்டணம் - ரூ.25,000/, தனித் தொகுதி மற்றும் மகளிர் விண்ணப்பக் கட்டணம் - ரூ.10,000/.

விண்ணப்ப படிவத்தை தலைமைக் கழகத்தில் ரூ.1000/-வீதம் செலுத்தி பெற்றுக் கொள்ளலாம் என்று அவர் தெரிவித்துள்ளார்.

English summary

DMK has called for seat aspirants to apply from Jan 20