70 வயதை கடந்த 6 பேருக்கு வாய்ப்பு கொடுத்த திமுக

சென்னை: திமுக அறிவித்துள்ள லோக்சபா தேர்தலுக்கான வேட்பாளர்களில் 6 பேர் 70 வயதைக் கடந்தவர்கள். இவர்களில் இருவருக்கு 73 வயதில் முதல் முறையாக லோக்சபா தேர்தலில் போட்டியிட வாய்ப்பு அளிக்கப்பட்டுள்ளது.

லோக்சபா தேர்தலில் 35 தொகுதிகளில் போட்டியிடும் திமுக வேட்பாளர்கள் நேற்று அறிவிக்கப்பட்டனர். இவர்களில் 34 பேர் பட்டதாரிகள்.

மேலும் திமுக வேட்பாளர்களில் வழக்கறிஞர்கள் 13 பேர். டாக்டர்கள் 3 பேர். பொறியாளர் ஒருவர். முதுகலைப் பட்டதாரிகள் 8 பேர். இளநிலைப் பட்டதாரிகள் 7 பேர்.

மேலும் திமுக வேட்பாளர்கள் பட்டியலில் செ.உமாராணி (சேலம்), பவித்திரவள்ளி (ஈரோடு) ஆகிய 2 பெண்களுக்கு மட்டும் போட்டியிட வாய்ப்பு வழங்கப்பட்டுள்ளது.

திமுக அறிவித்துள்ள வேட்பாளர்களில் மிகவும் இளம் வயது வேட்பாளர் பவித்திரவள்ளி( வயது 26) ஆவார். அதே நேரத்தில் 70 வயதை கடந்த 6 பேருக்கு திமுகவில் போட்டியிட வாய்ப்பு வழங்கப்பட்டுள்ளது.

டி.ஆர்.பாலு( வயது 72), பொன்.முத்துராமலிங்கம் (வயது 74), எஸ்.முகம்மது ஜலீல் (வயது 70), சி.தேவதாசசுந்தரம் (வயது 72), எம்.செந்தில்நாதன் (வயது 73), கொ.நந்தகோபாலகிருஷ்ணன் (வயது 73) ஆகிய 6 பேருக்கு வாய்ப்பு அளிக்கப்பட்டுள்ளது.

இதில் டி.ஆர்.பாலு, பொன்.முத்துராமலிங்கம் தவிர்த்து மற்ற 4 பேருக்கும் முதல் முறையாக தேர்தல் களத்தை எதிர்கொள்கின்றனர்.

English summary

The DMK, which will take on the ruling AIADMK in 35 constituencies, has 27 new faces in the list of candidates for the 2014 Lok Sabha polls. The list was released by party president M. Karunanidhi on Monday. The youngest among them is 26-year-old woman H. Pavitra Valli, an MBA holder, who will contest from Erode and 6 above 70 elders also including in the list.