தேர்தல் விதிமீறல்: அமைச்சர் எடப்பாடி பழனிச்சாமி மீது திமுக புகார்

சேலம்: அமைச்சர் எடப்பாடி பழனிச்சாமி தேர்தல் விதிமுறைகளை மீறி செயல்பட்டு வருவதாக திமுக புகார் தெரிவித்துள்ளது.

இது குறித்து சேலம் மாவட்ட திமுக பொறுப்பாளர் எஸ்.ஆர். சிவலிங்கம் செய்தியாளர்களிடம் கூறுகையில்,

சேலததில் அதிமுகவினர் தேர்தல் நடத்தை விதிகளை மீறி செயல்பட்டு வருகின்றனர். குறிப்பாக அதிமுக வேட்பாளர் வாகனத்துடன் 10க்கும் அதிகமான வாகனங்கள் முன்னும் பின்னும் சென்றுள்ளது.

போலீஸ் வாகனம், பாதுகாப்பு போலீசார் அமைச்சரை பார்த்து வணக்கம் செலுத்தியது. இவை தேர்தல் ஆணைய விதி மீறல்களாகும். ஏற்காடு இடைத் தேர்தலில் இதேபோல் மாவட்ட ஆட்சித் தலைவர் அதிமுகவுக்குச் சாதகமாக நடந்தார். அதே போல் இப்போதும் நடக்கிறார்.

எனவே, எங்கள் தலைமை கழகம் மூலம் புகைப்பட ஆதாரத்துடன் தேர்தல் ஆணையத்தில் புகார் செய்ய உள்ளோம் என்றார்.

English summary

Salem district DMK functionaries are planning to complaint about minister Edappadi Palanisamy for violating election code of conduct.