புதுவையில் 30-ல் 20 காங்- திமுக கூட்டணிக்குத்தானாம்!- விகடன் கணிப்பு
சென்னை: புதுச்சேரி சட்டப் பேரவைக்கான தேர்தலில் திமுக - காங்கிரஸ் கூட்டணி அமோக வெற்றிப் பெறும் என்று ஜூனியர் விகடன் கருத்துக் கணிப்பில் தெரிய வந்துள்ளது.
புதுச்சேரி, காரைக்கால், மாஹே, ஏனாம் ஆகிய நான்கு பகுதிகளை உள்ளடக்கிய புதுவை யூனியன் பிரதேசத்தில் மொத்தம் 30 சட்டமன்றத் தொகுதிகள் உள்ளன.
தமிழகத்தோடு சேர்ந்து இந்தத் தொகுதிகள் தேர்தலைச் சந்திக்கின்றன. காங்கிரஸ் - தி.மு.க ஒரு அணியாகவும், என்.ஆர்.காங்கிரஸ், அ.தி.மு.க, பா.ம.க., தே.மு.தி.க - மக்கள் நலக் கூட்டணி தனித் தனியாகவும் களம் காண்கின்றன.
கடந்த முறை அதிமுகவுடன் கூட்டணி அமைத்து வெற்றி கண்ட முதல்வர் ரங்கசாமியின் என் ஆர் காங்கிரஸ் இந்த முறை தனித்து நிற்கிறது.
விகடன் கணிப்புப் படி மொத்தமுள்ள 30 தொகுதிகளில் திமுக - காங்கிரஸ் கூட்டணி 20-ல் வெற்றி பெற்று ஆட்சியைப் பிடிக்கிறது. 10 தொகுதிகளை மட்டுமே ஆளும் என்ஆர் காங்கிரஸ் பெறுகிறது.
இப்போதைய முதல்வர் ரங்கசாமி தான் போட்டியிடும் இந்திரா நகரில் வெற்றி பெறுகிறார். திமுக - காங் கூட்டணியின் முதல்வர் வேட்பாளர் நமச்சிவாயம் வில்லியனூரில் வெற்றி பெறுவார் என்கிறது இந்தக் கணிப்பு.
Click it and Unblock the Notifications
Sign in with Google