சட்டசபை தேர்தல்: சென்னையில் திமுக 13 - காங்கிரஸ் 3 தொகுதிகளில் போட்டி?

சென்னை: சென்னையில் சைதாப்பேட்டை உட்பட 13 தொகுதிகளில் திமுகவும் மயிலாப்பூர் உட்பட 3 தொகுதிகளில் காங்கிரஸ் கட்சியும் போட்டியிடக் கூடும் என தகவல்கள் வெளியாகி உள்ளன.

திமுக தலைமையிலான கூட்டணியில் காங்கிரஸ், இந்திய யூனியன் முஸ்லிம் லீக், பெருந்தலைவர் மக்கள் கட்சி ஆகியவை இடம்பெற்றுள்ளன. இந்த கட்சிகள் இடையேயான தொகுதிப் பங்கீட்டு பேச்சுவார்த்தை நடத்த திமுக பொருளாளர் மு.க.ஸ்டாலின் தலைமையிலான நால்வர் குழு அமைக்கப்பட்டிருக்கிறது.

இன்னமும் காங்கிரஸ் கட்சி தொகுதி பங்கீட்டுக்கான பேச்சுவார்த்தை குழுவை அமைக்கவில்லை. இந்த கூட்டணியில் மேலும் சில கட்சிகள் இணையவும் வாய்ப்பிருப்பதாக கூறப்படுகிறது.

மொத்தமுளள 234 தொகுதிகளில் தி.மு.க. 190 தொகுதி வரை போட்டியிட திட்டமிட்டுள்ளது. காங்கிரஸுக்கு அதிகபட்சம் 25 முதல் 30 தொகுதிகள் வரை ஒதுக்கப்படலாம் என்கின்றன அறிவாலய வட்டாரங்கள்.

இந்நிலையில் சென்னையில் உள்ள 16 சட்டசபை தொகுதிகளில் திமுக 13 தொகுதிகளிலும், காங்கிரஸ் 3 தொகுதியிலும் போட்டியிட வாய்ப்பிருப்பதாக கூறப்படுகிறது.

சைதாப்பேட்டை, ஆயிரம் விளக்கு, கொளத்தூர், வில்லிவாக்கம், ராயபுரம், ஆர்கே நகர், சேப்பாக்கம் திருவல்லிக்கேணி, விருகம்பாக்கம், துறைமுகம், எழும்பூர், பெரம்பூர், மாதவரம், திருவொற்றியூர் ஆகிய தொகுதிகளில் திமுகவும்

மயிலாப்பூர், திருவிக நகர், வேளச்சேரி தொகுதிகளில் காங்கிரஸும் போட்டியிட வாய்ப்பிருப்பதாக தகவல்கள் தெரிவிக்கின்றன.

ஒருகாலத்தில் திமுகவின் கோட்டையாக இருந்தது சென்னை. ஆனால் கடந்த சில தேர்தல்களில் அதிமுகவின் கோட்டையாக சென்னை மாவட்டம் மாறியிருக்கிறது என்பது குறிப்பிடத்தக்கது.

English summary

Sources said that DMK may contest 13 Constituencies in Chennai District.