வடகொரியா மாதிரி ஒவ்வொரு சீனுக்கும் அரசிடம் அனுமதி வாங்க சொல்வீங்க போல.. திமுக தாக்கு!
நடிகர் விஜய்யின் மெர்சல் படத்தில் குறிப்பிட்ட காட்சிகளை நீக்க கோருவதற்கு திமுக வடகொரியாவுடன் ஒப்பிட்டு பாஜகவை விமர்சித்துள்ளது.
சென்னை: மெர்சல் படக் காட்சிகளை நீக்குமாறு பாஜக கோருவதை வடகொரியாவுடன் ஒப்பிட்டு திமுக கருத்தை கூறியுள்ளது.
மெர்சல் படத்தில் ஜிஎஸ்டி, மருத்துவத் துறை, டிஜிட்டல் இந்தியா உள்ளிட்டவைக்கு எதிரான வசனங்கள் இடம்பெற்றுள்ளது. அந்த குறிப்பிட்ட வசனங்களை நீக்க வேண்டும் என்று தமிழக பாஜக தலைவர்கள் கூறி வருகின்றனர்.
எனினும் படத்தின் காட்சிகளுக்கு எதிர்க்கட்சிகளும், மக்களும் ஆதரவு தெரிவித்து வருகின்றனர். இந்நிலையில் பாஜகவை வடகொரியாவுடன் உருவகப்படுத்தி திமுக விமர்சித்துள்ளது. இதுகுறித்து திமுகவின் செய்தித் தொடர்பாளர் மனு சுந்தரம் கூறுகையில், பாஜக தலைவர்கள் வடகொரியாவை முன்மாதிரியாக கொண்டு செயல்படுகின்றனர்.
வடகொரியாவில் எடுக்கப்படும் படங்கள் அனைத்தும் ஆட்சியாளரின் ஒப்புதல் பெற வேண்டியது கட்டாயம் ஆகும். அதனால்தான் கருத்து சுதந்திரம் பற்றி அவர்களுக்கு புரிதல் இல்லை. பஹ்லஜ் நிஹாலானி படத்தை சரியாக தணிக்கை செய்யவில்லை எனில், மத்திய அமைச்சர் பொன்.ராதாகிருஷ்ணன் தலைமையில் தணிக்கை குழு இருந்தால் எப்படியிருக்கும் என்று கற்பனை செய்து பாருங்கள் என்று மனு சுந்தரம் தெரிவித்துள்ளார்.
Click it and Unblock the Notifications
Sign in with Google