2006 தேர்தல் அறிக்கை ஹீரோ... 2016ல் சூப்பர் ஹீரோ: ஸ்டாலின்
சென்னை: திமுக 2006ம் ஆண்டு வெளியிட்ட தேர்தல் அறிக்கை ஹீரோ என்றால் 2016 தேர்தல் அறிக்கை சூப்பர் ஹீரோ என்று அக்கட்சியின் பொருளாளர் மு.க.ஸ்டாலின் கூறியுள்ளார்.
மதுரை கிழக்கு தொகுதி வேட்பாளர் மூர்த்தியை ஆதரித்து ஒத்தக்கடையில் பிரச்சாரத்தை துவங்கிய ஸ்டாலின், மேலூர், ஆரப்பாளையம், பழங்காநத்தம் பகுதிகளிலும் வாக்கு சேகரித்தார்.
அப்போது பேசிய ஸ்டாலின், தேர்தலுக்காக மட்டுமே நாங்கள் உங்களை சந்திக்க வருவதில்லை. அடிக்கடி உங்களை சந்திக்க வருகிறோம். பறந்து பறந்து வந்து அரை மணிநேரம் மட்டுமே பேசிவிட்டு செல்வதில்லை என்று கூறிய ஸ்டாலின், திமுகவின் தேர்தல் அறிக்கையில் 501 உறுதி மொழிகள் கொடுக்கப்பட்டுள்ளதாக தெரிவித்தார்.
2006 தேர்தல் அறிக்கை ஹீரோ என்றால் 2016 தேர்தல் அறிக்கை சூப்பர் ஹீரோ என்று கூறினார். தமிழகத்தில் மதுவிலக்கு, லோக் அயுக்தா கொண்டு வரப்படும் என்றும் ஸ்டாலின் கூறினார்.
தொடர்ந்து ஸ்டாலின் திருப்பரங்குன்றத்திலும், சோழவந்தான், செக்கானுரணி பகுதியிலும், உசிலம்பட்டியிலும் திமுக வேட்பாளர்களை ஆதரித்து மு.க.ஸ்டாலின் பிரசாரம் மேற்கொள்கிறார்.
Click it and Unblock the Notifications
Sign in with Google