11 கிலோ எடை.. முழுக்க முழுக்க தங்க முலாம்.. ஸ்டாலினுக்கு காத்திருக்கும் கருணாநிதி சிலை!
திமுகவில் தலைவராக போகும் ஸ்டாலினுக்கு கருணாநிதி சிலை ஒன்றை பரிசளிக்க உள்ளார் சைதாப்பேட்டை எம்.எல்.ஏ மா.சுப்பிரமணியன்.
சென்னை: திமுகவில் தலைவராக போகும் ஸ்டாலினுக்கு கருணாநிதி சிலை ஒன்றை பரிசளிக்க உள்ளார் சைதாப்பேட்டை எம்.எல்.ஏ மா.சுப்பிரமணியன்.
திமுகவில் தலைவர் பதவிக்கு ஸ்டாலினும், பொருளாளர் பதவிக்கு துரைமுருகனும் போட்டியிட வேட்புமனுத்தாக்கல் செய்துள்ளனர். இதற்காக நாளை பொதுக்குழு நடக்க உள்ளது.
ஸ்டாலினுக்கும், துரைமுருகனுக்கும் எதிராக யாரும் மனுதாக்கல் செய்யவில்லை. இதனால் அவர்கள் போட்டியிட்டு தேர்வாக இருக்கிறார்கள். அவர்கள் வெற்றி உறுதி என்றாலும், நாளைதான் அதிகாரப்பூர்வ அறிவிப்பு வெளியாகும்.
இந்த நிலையில் இப்போதே திமுக தலைவராக போகும் ஸ்டாலினுக்கு பரிசுகள் குவியத்தொடங்கி உள்ளது. நேற்று மாலையில் இருந்தே பலர் அவருக்கு வாழ்த்து தெரிவித்து வருகிறார்கள்.
இந்த நிலையில்தான் ஸ்டாலினுக்காக தயாரான 11 கிலோ எடையுள்ள தங்க முலாம் பூசப்பட்ட கருணாநிதி சிலை உருவாக்கப்பட்டுள்ளது. இதை நாளை பதவி ஏற்பின் போது அளிக்க உள்ளனர்.
திமுக தலைவராகப்போகும் மு.க.ஸ்டாலினுக்கு கருணாநிதி சிலையை பரிசளிக்க உள்ளார் சைதாப்பேட்டை எம்.எல்.ஏ மா.சுப்பிரமணியன். இது 11 கிலோ எடையுள்ளது. இது முழுக்க முழுக்க தங்க முலாம் பூசப்பட்டது ஆகும்.
Click it and Unblock the Notifications
Sign in with Google