தலைவர் பதவிக்கு ஸ்டாலின் பெயரை நானும் முன்மொழிய வேண்டுமா?.. அழகிரி காட்டம்

திமுகவில் தலைவர் பதவிக்கு போட்டியிடும் ஸ்டாலின் பெயரை நானும் முன்மொழிய வேண்டுமா என்று அழகிரி கோபாமாக கேள்வி எழுப்பியுள்ளார்.

சென்னை: திமுகவில் தலைவர் பதவிக்கு போட்டியிடும் ஸ்டாலின் பெயரை நானும் முன்மொழிய வேண்டுமா என்று அழகிரி கோபாமாக கேள்வி எழுப்பியுள்ளார்.

மிகவும் பரபரப்பான சமயத்தில் கூடும் இதில் திமுக தலைவர் பதவிக்கும், பொருளாளர் பதவிக்கும் தேர்தல் நடக்க உள்ளது. திமுகவில் தலைவர் பதவிக்கு ஸ்டாலினும், பொருளாளர் பதவிக்கு துரைமுருகனும் போட்டியிட வேட்புமனுத்தாக்கல் செய்துள்ளனர்.

திமுகவின் தலைவராக ஸ்டாலின் ஒருமனதாக தேர்வு செய்யப்படுவார் என்று கூறப்படுகிறது. இதற்கு இடையில் மதுரையில் அழகிரி தனது ஆதரவாளர்களை சந்தித்து பேசி வருகிறார். மூன்றாவது நாளாக இந்த சந்திப்பு தொடர்கிறது.

மதிய உணவு இடைவேளையின் போது மட்டும் அவர் செய்தியாளர்களை சந்தித்தார். இதில் திமுக தலைவர் பதவிக்கு ஸ்டாலின் வேட்புமனுத்தாக்கல் செய்துள்ளது குறித்து அழகிரியிடம் கேட்கப்பட்டது. இதற்கு அழகிரி மிகவும் காட்டமாக பதில் அளித்தார்.

அதில், திமுக தலைவர் பதவிக்கான வேட்புமனுவில் ஸ்டாலின் பெயரை நானும் முன் மொழிய வேண்டுமா? என்ன கேள்வி இது?. ஸ்டாலின் குறித்து இப்போது கருத்து தெரிவிக்க முடியாது.

திமுக கட்சித் தேர்தல் பற்றி சொல்ல ஒன்றுமில்லை. நடப்பது நடக்கட்டும். நான் இப்போது என் ஆதரவாளர்களை சந்தித்து வருகிறேன். தமிழகத்தில் இடைத்தேர்தல் நடக்க உள்ளது. இடைத்தேர்தல் வரும் போது பார்ப்போம், என்றுள்ளார்.

English summary

DMK Election: Should i have to propose Stalin name for Chief asks Alagiri.