சமூகசேவகியாக இருந்து சேலம் எம்.பி வேட்பாளரான உமாராணி செல்வராஜ்

சேலம்: சேலம் தொகுதியின் திமுக வேட்பாளராக அறிவிக்கப்பட்டுள்ள உமாராணி செல்வராஜ் வயது 54. எம்.ஏ., சமூகவியல் பட்டதாரி. கவுண்டர் சமூகத்தை சேர்ந்தவர். தொழில் - கைத்தறி மொத்த விற்பனையாளர்.

இவரது கணவர் டாக்டர் செல்வராஜ், இவர்களுக்கு குழந்தைகள் இரண்டு பெண் குழந்தைகள். சுனிதா இராசா, சுகன்யா மதன்.

சமூக சேவகர்

உமாராணி, அரசியல் பணிகளை காட்டிலும் சமூகப்பணியில் நல்ல ஈடுபாடு உடையவர். ஆதரவற்ற அநாதை குழந்தைகளின் மறுவாழ்வுக்காவும், கிராமப் புற பெண்கள் மேம்பாட்டுக்காகவும், சமூகத்தால் ஒதுக்கப்படும் எய்ட்ஸ் நோயாளிகள், திருநங்கைகள், ஏழைக் குழந்தைகளின் கல்வி வளர்ச்சிக்காகவும் பல தொண்டு நிறுவனங்களோடு இணைந்து இவர் சேவை செய்து வருகிறார்.

மாமன்ற உறுப்பினர்

இவர் 1996 - 2001 சேலம் மாநகராட்சி 15வது கோட்ட முன்னாள் மாமன்ற உறுப்பினராக இருந்துள்ளார்.

வீரபாண்டியார் இருக்கும் வரை கட்சிப்பணிகளில் நேரடியாக ஈடுபடாமல் ஒதுங்கி இருந்தார். வீரபாண்டியார் இறந்த பிறகு வெளிப்படையாக கட்சி பணிகள் ஆற்றி வருகிறார்.

மனைவியின் தோழிக்கு வாய்ப்பு

ஸ்டாலின் மனைவி துர்காவிற்கு நெருங்கிய தோழி.ஸ்டாலின் மற்றும் அவரது குடும்பத்தார் சேலம் வந்தால் உமாராணி வீட்டில் இருந்து தான் சாப்பாடு செல்லுமாம். மனைவியின் தோழிக்கு எம்.பி வாய்ப்பு கொடுத்துவிட்டார் ஸ்டாலின் என்கின்றனர். இதனால் வீரபாண்டியார் குடும்பத்திற்கு செக் வைத்துவிட்டதோடு மனைவியையும் மகிழ்ச்சிபடுத்திவிட்டார் ஸ்டாலின்.

English summary

DMK has announced Salam lok sabha constituency candidate Umarani Selvaraj