வருடந்தோறும் தேயும் அதிமுக, வளரும் திமுக: கருத்துக்கணிப்பு
சென்னை: வருடா வருடம் திமுகவுக்கு ஆதரவு அதிகரித்து செல்வதும், அதிமுகவுக்கு ஆதரவு குறைந்து கொண்டிருப்பதும், லயோலா கல்லூரி முன்னாள் பேராசிரயர் ராஜநாயகம் தலைமையிலான 'மக்கள் ஆய்வு' அமைப்பு நடத்திய கருத்துக்கணிப்புகளின் மூலம் தெரியவருகிறது.
லயோலா கல்லூரி முன்னாள் பேராசிரியர் ராஜநாயகம் தலைமையிலான 'மக்கள் ஆய்வு' எனும் அமைப்பு அரசியல் உள்ளிட்ட பல்வேறு தளங்களில் கருத்து கணிப்பு நடத்தியது.
கருத்துக்கணிப்பு முடிவுகளை இன்று வெளியிட்டுள்ளது. தமிழக மக்கள் எதிர்கொள்ளும் அன்றாட பிரச்சினைகள், அரசியல் கட்சிகளின் செல்வாக்கு உள்ளிட்டவற்றை ஆய்வு செய்து அறிக்கை வெளியிட்டுள்ளது.
அதில் திமுக, அதிமுக கட்சிகளின் செல்வாக்கு கடந்த சில வருடங்களில் எவ்வாறு மாறியுள்ளது என்பது தெரியவந்துள்ளது.
அதிமுகவுக்கான ஆதரவு கடந்த 2014 நவம்பரில் நடத்தப்பட்ட கருத்துக்கணிப்பின்போது 43% என இருந்தது. அது, கடந்தாண்டு ஆகஸ்ட்டில் 34.1% ஆகவும், தற்போது 33.3 சதவீதமாகவும் குறைந்துள்ளது.
அதேநேரம் திமுகவுக்கான ஆதரவு கடந்த 2014 நவம்பரில் 26 % என்று இருந்தது. அது, கடந்தாண்டு ஆகஸ்ட்டில் 32.6% ஆகவும், தற்போது 33.1% ஆகவும் வளர்ச்சியடைந்துள்ளது. இவ்வாறு அந்த கருத்துக்கணிப்பு தெரிவிக்கிறது.
Click it and Unblock the Notifications
Sign in with Google