தெற்கு, மத்திய மண்டலங்களில் திமுகவுக்கு ஆதரவு- புதிய தலைமுறை கருத்து கணிப்பு

சென்னை: தமிழகத்தின் திண்டுக்கல் தவிர்த்த தென் மாவட்டங்களை உள்ளடக்கிய தெற்கு மண்டலத்திலும் திண்டுக்கல் மற்றும் காவிரி டெல்டா மாவட்டங்களை சேர்த்த மத்திய மண்டலத்திலும் திமுகவுக்கு அதிக ஆதரவு இருக்கிறது என்கிறது புதிய தலைமுறை கருத்து கணிப்பு.

புதிய தலைமுறை தொலைக்காட்சி மற்றும் ஆப்ட் நிறுவனம் இணைந்து கட்சிகளின் செல்வாக்கு என்ன? எந்த கட்சிக்கு வாக்காளர்கள் ஆதரவு? என்பது குறித்து கருத்து கணிப்பை நடத்தின.

மொத்தம் 5,018 பேரிடம் இக்கருத்து கணிப்பு நடத்தப்பட்டு முடிவுகள் வெளியிடப்பட்டுள்ளன.

இதில் 234 தொகுதிகளையும் 5 மண்டலங்களாக பிரித்து அப்பகுதிகளில் கட்சிகளுக்கு உள்ள செல்வாக்கு எவ்வளவு என்ற விவரமும் வெளியிடப்பட்டுள்ளது.

இதில் தெற்கு மற்றும் மத்திய மண்டலங்களில் திமுகவுக்கு அதிக ஆதரவு இருப்பதாக தெரிவிக்கப்பட்டுள்ளது.

தெற்கு மண்டலம்

திமுக- 41.55%; அதிமுக- 34.09%; தேமுதிக - 3.54%; பாஜக- 3.14%; காங்கிரஸ்- 2.06%; பாமக- 1.38%; மதிமுக- 1.08%

மத்திய மண்டலம்

திமுக- 37.67% ; அதிமுக- 32.02%; தேமுதிக 3.42%; பாஜக- 3.08%; மதிமுக- 2.40%; பாமக- 1.88%; காங்கிரஸ்- 1.37%

English summary

Puthiya Thalaimurai- APT survey said DMK got more support in South and Centre Zones of TN.