சமய நல்லிணக்க நாயகர்... கடையநல்லூர் எம்எல்ஏ அபூபக்கருக்கு வாழ்த்து!

திருமலை கோவில், ஆஞ்சநேயர், சிவ ஆலயங்களுக்காக சட்டசபையில் பேசிய கே.ஏ.எம் முஹம்மது அபூபக்கர் எம்எல்ஏவிற்கு கடையநல்லூர் தொகுதி திமுகவினர் வாழ்த்து போஸ்டர் அடித்து ஒட்டியுள்ளனர்.

By Mayura Akilan

Updated: Friday, January 19, 2018, 19:46 [IST]

Subscribe to Oneindia Tamil

திருநெல்வேலி: இந்து ஆலயங்களின் ஆலயங்களில் அடிப்படை வசதி மேம்படுத்த சட்டசபையில் பேசிய கே.ஏ.எம் முஹம்மது அபூபக்கர் எம்எல்ஏவிற்கு திமுகவினர் வாழ்த்து போஸ்டர் ஒட்டியுள்ளனர்.

கடையநல்லூர் சட்டசபை உறுப்பினர் கே.ஏ.எம் முஹம்மது அபூபக்கர் எம்எல்ஏ, தனது தொகுதியில் உள்ள கோவில்களுக்கு அடிப்படை வசதி கோரி பேசினார். இதற்கான நிதி ஒதுக்கப்பட்டுள்ளது. இதனை பாராட்டும் விதமாக போஸ்டர் ஒட்டியுள்ளனர் அந்த தொகுதி திமுகவினர்.

திருமலை கோவிலுக்கு மலைப்பாதையில் மின்விளக்கு அடிப்படை வசதிகள் செய்வதற்காக சட்டசபையில் பேசி ரூ. 65 லட்சம் பெற்று தந்தமைக்கும், கிருஷ்ணாபுரம் ஆஞ்சநேயர் கோவில் மற்றும் சொக்கம்பட்டி சிவராம பேட்டை சிவன்கோவில்களில் அடிப்படை வசதிகள் மேம்படுத்த சட்டசபையில் குரல் கொடுத்த கடையநல்லூர் சட்டசபை உறுப்பினர் கே.ஏ.எம் முஹம்மது அபூபக்கர் எம்எல்ஏவிற்கு வாழ்த்து கூறி திமுகவினர் போஸ்டர் ஒட்டியுள்ளனர்.