நீலகிரி தவிர கொங்கு தொகுதிகளில் திமுகவுக்கு 3வது இடம்
சென்னை: நீலகிரி தவிர ஈரோடு, பொள்ளாச்சி, திருப்பூர் ஆகிய கொங்கு மண்டல தொகுதிகளில் திமுக 3 வது இடத்துக்கு தள்ளப்பட்டுள்ளது.
திருப்பூர்
திருப்பூர் லோக்சபா தொகுதியில் அதிமுகவின் சத்தியபாமா முதலிடத்திலும் தேசிய முற்போக்கு திராவிட கழகத்தின் தினேஷ்குமார் 2வது இடத்திலும் இருக்கிறார்.
திமுகவின் செந்தில்நாதன் 3வது இடத்துக்கு தள்ளப்பட்டிருக்கிறார். அத்தொகுதியில் காங்கிரஸ் கட்சியின் ஈ.வி.கே.எஸ். இளங்கோவன் 39,482 வாக்குகளைப் பெற்று 4வது இடத்தில் இருக்கிறார். இங்கு நோட்டாவுக்கு 11,946 வாக்குகள் விழுந்துள்ளன.
ஈரோடு
ஈரோடு தொகுதியில் அதிமுகவின் செல்வகுமார சின்னையன் முன்னிலை வகிக்க 2வது இடத்தில் மதிமுகவின் சிட்டிங் எம்.பி. கணேசமூர்த்தி 2வது இடத்தில் இருக்கிறார். திமுகவின் பவித்திரவள்ளி 3வது இடத்துக்கு தள்ளப்பட்டிருக்கிறார்.
பொள்ளாச்சி
இங்கும் அதிமுகவின் மகேந்திரன் முதலிடத்தில் இருக்கிறார். பாஜக சின்னத்தில் போட்டியிடும் கொங்குநாடு தேசிய மக்கள் கட்சியின் ஈஸ்வரன் 2வது இடத்தில் இருக்கிறார். திமுகவைச் சேர்ந்த முன்னாள் அமைச்சர் பொங்கலூர் பழனிச்சாமி 3வது இடத்துக்கு தள்ளப்பட்டார்.
கோயம்புத்தூர்
இத்தொகுதியிலும் அதிமுக முன்னிலை வகிக்க பாரதிய ஜனதாவின் சி.பி. ராதாகிருஷ்ணன் 2வது இடத்தில் இருக்கிறார். திமுகவின் கணேஷ்குமார் 3வது இடத்துக்கு தள்ளப்பட்டிருக்கிறார்.