இது திமுகவின் 3 'ஜி' தோல்வி.. முக்கிய தலைகள் ஆ.ராசா, தயாநிதி, டி.ஆர்.பாலு பின்னடைவு…
சென்னை: லோக்சபா தேர்தலில் திமுக கூட்டணி படுதோல்வியைச் சந்திக்கிறது. அக்கட்சிக்கு எங்குமே வெற்றி கிடைக்கும் வாய்ப்பு இல்லாமல் போய் விட்டது.
தி.மு.கவின் முக்கிய வேட்பாளர்களான தயாநிதிமாறன்ஜி, டி.ஆர்.பாலுஜி, ஆ.ராசாஜி மற்றும் கூட்டணி கட்சி வேட்பாளர்கள் திருமாவளவன், கிருஷ்ணசாமி ஆகியோர் பின்னடைவை சந்தித்துள்ளனர்.
சிதம்பரம் தொகுதியில் விடுதலை சிறுத்தைகள் கட்சித் தலைவர் தொல். திருமாவளவன் பின்னடைவை சந்தித்துள்ளார்.
மத்திய சென்னையில் திமுக வேட்பாளர் தயாநிதிமாறனும், தஞ்சாவூர் தொகுதியில் டி.ஆர்.பாலுவும், நீலகிரி தொகுதியில் ஆ.ராசாவும் பின்னடவை சந்தித்துள்ளார்.
தென்காசி தொகுதியில் புதிய தமிழகம் கட்சித் தலைவர் டாக்டர் கிருஷ்ணசாமி பின்னடைவை சந்தித்துள்ளார். ஸ்ரீபெரும்புதூர் தொகுதியில் திமுக வேட்பாளர் ஜெகத்ரட்சகன் பின்னடவை சந்தித்துள்ளார்.
சேலம் தேமுதிக வேட்பாளர் எல்.கே.சுதீஷ் பின்னடைவை சந்தித்துள்ளார். மயிலாடுதுறையில் காங்கிரஸ் வேட்பாளர் மணிசங்கர் அய்யர் பின்னடைவை சந்தித்துள்ளார்.
தென் சென்னையிலும் திமுக தோல்வி முகத்திலேயே உள்ளது.