கருணாநிதி நலமாக உள்ளார்: மு.க.அழகிரி பேட்டி

திமுக தலைவர் கருணாநிதி நலமாக உள்ளார் என முக அழகிரி தெரிவித்துள்ளார்.

Updated: Monday, August 6, 2018, 15:35 [IST]

Subscribe to Oneindia Tamil

சென்னை: திமுக தலைவர் கருணாநிதி நலமாக உள்ளார் என முக அழகிரி தெரிவித்துள்ளார்.

திமுக தலைவர் கருணாநிதி சென்னை காவேரி மருத்துவமனையில் சிகிச்சை பெற்று வருகிறார். சிறுநீர் பாதை தொற்று மற்றும் ரத்த அழுத்தம் குறைவு காரணமாக அவர் மருத்துவமனையில் சிகிச்சை அனுமதிக்கப்பட்டார்.

இந்நிலையில் கருணாநிதியை காண அவரது மனைவி தயாளு அம்மாள் காவேரி மருத்துவமனைக்கு வருகை தந்துள்ளார். மேலும் அவரது குடும்பத்தினரும் தொடர்ந்து மருத்துவமனையில் குவிந்தனர்.

திருநாவுக்கரசர் தகவல்

இதைத்தொடர்ந்து தமிழக காங்கிரஸ் தலைவர் திருநாவுக்கரசர் காவேரி மருத்துவமனைக்கு விரைந்தார். பின்னர் செய்தியாளர்களிடம் பேசிய அவர், திமுக தலைவர் கருணாநிதியின் உடல்நிலையில் காலை பின்னடைவு ஏற்பட்டு தற்போது கண்காணிப்பில் உள்ளார் என்றார்.

பிரார்த்தனை செய்வோம்

அவரின் உடல்நிலை குறித்து மருத்துவர்கள், குடும்ப உறுப்பினர்களிடம் கேட்டறிந்தேன் என்ற கருணாநிதியின் உடல்நிலை நலம் பெற கடவுளிடம் பிரார்த்தனை செய்வோம் என்றார்.

புறப்பட்ட அழகிரி

இதனால் திமுக தொண்டர்கள் மீண்டும் கலக்கமடைந்தனர். இந்நிலையில் முன்னாள் மத்திய அமைச்சரும் கருணாநிதியின் மகனுமான அழகிரி மருத்துவமனையில் இருந்து கோபாலபுரம் வீட்டிற்கு புறப்பட்டார்.