கருணாநிதி எப்படி இருக்கிறார்.. காவிரி மருத்துவமனையில் கூடிய அரசியல் தலைவர்கள்!

By Shyamsundar

Updated: Saturday, July 28, 2018, 10:49 [IST]

Recommended Video

கருணாநிதி உடல்நலத்தை விசாரிக்கும் தலைவர்கள்...வீடியோ

திமுக தலைவர் கருணாநிதி அனுமதிக்கப்பட்டு இருக்கும் காவிரி மருத்துவமனையில் திமுக தலைவர்கள், தொண்டர்கள், கருணாநிதியின் உறவினர்கள் கூடி வருகிறார்கள்.

சென்னை: திமுக தலைவர் கருணாநிதிஅனுமதிக்கப்பட்டு இருக்கும் காவிரி மருத்துவமனையில் திமுக தலைவர்கள், தொண்டர்கள், கருணாநிதியின் உறவினர்கள் கூடி வருகிறார்கள்.

திமுக தலைவர் கருணாநிதியின் உடல்நிலை தற்போது மோசமான நிலையை அடைந்துள்ளது. அவர் காவிரி மருத்துவமனையில் அனுமதிக்கப்பட்டு, தீவிர சிகிச்சை அளிக்கப்பட்டு வருகிறது.

அவரது உடல்நிலை நேற்று இரவும் மிகவும் மோசமான நிலையை அடைந்துள்ளது.காவிரி மருத்துவமனை மருத்துவர்கள் அவருக்கு 24 மணி நேரமும் சிகிச்சை அளித்து வருகிறார்கள்.

வந்துவிட்டார்

கருணாநிதி அனுமதி ஆகி இருக்கும் காவேரி மருத்துவமனைக்கு கனிமொழி அதிகாலையிலேயே வந்துவிட்டார். அதிகாலையில் முதல் நபராக கருணாநிதியை பார்க்க அவர் வந்திருக்கிறார். அவருக்கு அடுத்தபடியாக, ராசாத்தி அம்மாள் மருத்துவமனைக்கு வந்திருக்கிறார். அதேபோல் கலாநிதி மாறனும் காலையிலேயே மருத்துவமனைக்கு வந்துள்ளார்.

ஸ்டாலின்

ஸ்டாலின் நேற்று இரவு முழுக்க காவிரி மருத்துவமனையில் இருந்தார். அதிகாலை 5.30 மணிக்கு அவர், அங்கிருந்து கிளம்பி அதே பகுதியில் இருக்கும் தன்னுடைய ஆழ்வார்பேட்டை வீட்டிற்கு சென்று இருக்கிறார். அதன்பின் மீண்டும் அவர், இன்று காலை 9.30 மணிக்கு வீட்டில் இருந்து கிளம்பி மருத்துவமனைக்கு வந்திருக்கிறார்.

திமுக செயலாளர்கள்

இன்று காலை ஸ்டாலினுடன் துரைமுருகன், அன்பழகன் ஆகியோர் வந்திருக்கிறார்கள். அதேபோல் மருத்துவமனையில் திமுக நிர்வாகிகள் பலர் கூடி இருக்கிறார்கள். இன்னும் சில திமுக நிர்வாகிகள் அங்கு வருவார்கள் என்று கூறப்படுகிறது.

மற்ற தலைவர்கள் வருகை

திமுக கட்சியினர் இல்லமால், திருமாவளவன், வைகோ, அன்புமணி உள்ளிட்ட தோழமை கட்சியினர், மருத்துவமனைக்கு வந்திருக்கிறார்கள். இன்னும் சில மணி நேரத்தில் அதிமுகவை சேர்ந்த தலைவர்கள் சிலர் காவேரி மருத்துவமனைக்கு வருவார்கள் என்று கூறப்பட்டுள்ளது. அதேபோல் தேசிய கட்சியின் தலைவர்களும் வர வாய்ப்புள்ளதாக கூறப்படுகிறது.