சட்டசபை அவசரக் கூட்டம்.. திமுக எம்.எல்.ஏக்கள் அவசர ஆலோசனை!

சென்னை: இன்று மாலை தமிழக சட்டசபையின் அவசரக் கூட்டம் கூட்டப்பட்டுள்ள நிலையில் திமுக எம்.எல்.ஏக்கள், கட்சித் தலைவர் கருணாநிதி தலைமையில் இன்று கூடி ஆலோசனை நடத்தினர்.

தமிழக சட்டசபையின் சிறப்புக் கூட்டம் இன்று மாலை கூட்டப்பட்டுள்ளது. எதற்காக கூட்டப்பட்டுள்ளது என்பது குறித்து அதிகாரப்பூர்வமாக இதுவரை தெரிவிக்கப்படவில்லை.

இருப்பினும் காமன்வெல்த் மாநாட்டில் இந்தியா சார்பில் மத்திய வெளியுறவு அமைச்சர் சல்மான் குர்ஷித்தை இந்திய அரசு அனுப்புவதைக் கண்டித்து தீர்மானம் போடுவதற்காகவே இந்தக் கூட்டம் கூட்டப்பட்டுள்ளதாக கருதப்படுகிறது.

இந்தநிலையில் திமுக தலைவர் கருணாநிதி தலைமையில் அக்கட்சியின் எம்.எல்.ஏக்கள் இன்று காலை கூடி ஆலோசனை நடத்தினர். அப்போது மாலையில் கூடும் சட்டசபைக் கூட்டத்தில் எப்படி நடந்து கொள்வது என்பது குறித்து ஆலோசிக்கப்பட்டதாக தெரிகிறது.

English summary

DMK chief Karunanidhi held a discussion with his party MLAs on the speciall session of TN assembly this morning.