சென்னை அப்பல்லோவில் திமுக எம்.எல்.ஏ.க்கள் சாத்தூர் ராமச்சந்திரன், பெரியண்ணன் அரசு அனுமதி!

சென்னை: சென்னை அப்பல்லோ மருத்துவமனையில் திமுக எம்.எல்.ஏ.க்கள் சாத்தூர் ராமச்சந்திரன் மற்றும் பெரியண்ணன் அரசு ஆகியோர் அனுமதிக்கப்பட்டுள்ளனர்.

உடல்நலம் பாதிக்கப்பட்ட முதல்வர் ஜெயலலிதா கடந்த மாதம் 22-ந் தேதி முதல் சென்னை அப்பல்லோ மருத்துவமனையில் சிகிச்சை பெற்று வருகிறார். அவருக்கு லண்டன் மற்றும் டெல்லி எய்ம்ஸ் மருத்துவர்கள் சிகிச்சை அளித்து வருகின்றனர்.

இந்த நிலையில் திமுக எம்.எல்.ஏ. சாத்தூர் ராமச்சந்திரன் திடீர் உடல்நலக் குறைவால் மதுரை மருத்துவமனையில் அனுமதிக்கப்பட்டிருந்தார். அவர் நேற்று இரவு சென்னை அப்பல்லோ மருத்துவமனையில் சிகிச்சைக்காக அனுமதிக்கப்பட்டார்.

இதேபோல் மற்றொரு திமுக எம்.எல்.ஏவான பெரியண்ணன் அரசுவும் திடீர் உடல்நலக் குறைவால் சென்னை அப்பல்லோ மருத்துவமனையில் அனுமதிக்கப்பட்டுள்ளதாக தகவல்கள் வெளியாகி உள்ளன.

English summary

DMK Mlas Sattur Ramachandran and Periyannan Arasu were admitted in Chennai Apollo hospital.