காவேரி மருத்துவமனையில் குவிந்த திமுக எம்எல்ஏக்கள் வீடு திரும்பினர்!

சென்னை: திமுக தலைவர் கருணாநிதியின் உடல்நிலை மோசமான நிலையில், காவேரி மருத்துவமனையில், திமுக எம்எல்ஏக்கள் குவிந்த நிலையில் இரவு 10.30 மணியளவில், அவர்கள் வீடு திரும்பினர்.

திமுக தலைவர் கருணாநிதியின் உடல்நிலை குறித்து விசாரிக்க திமுக எம்எல்ஏக்கள் டிஆர்பி ராஜா, அன்பில் மகேஷ், செந்தில்குமார், வாகை சந்திரசேகர், செஞ்சி மஸ்தான், பல்லாவரம் கருணாநிதி, அன்பரசன் உள்ளிட்டோர் காவேரி மருத்துவமனைக்கு வந்திருந்தனர்.

ஏற்கனவே, கருணாநிதி குடும்ப உறுப்பினர்கள் காவேரி மருத்துவமனையில் இருந்தனர்.

திமுக நிர்வாகிகளும், சீனியர்களுமான, துரைமுருகன், ஆற்காடு வீராசாமி, டி.ஆர்.பாலு, பொன்முடி, வேலு உள்ளிட்ட பலரும் காவேரி மருத்துவமனையில் மதியம் முதலே குழுமியிருந்தனர்.

இந்த நிலையில் ரவு 10.30 மணியளவில், அவர்கள் வீடு திரும்பினர்.

English summary

DMK MLAs throng Kauvery hospital after Karunanidhi health decline.