SMS மூலம் திமுக செய்திகளை அறியும் சேவை துவக்கம்
சென்னை: SMS மூலம் திமுகவின் செய்திகளை அறிந்து கொள்வதற்கான சேவையை அக்கட்சித் தலைவர் கருணாநிதி துவக்கி வைத்துள்ளார்.
இது தொடர்பாக திமுக தலைமை கழகம் இன்று வெளியிட்டுள்ள அறிக்கை:
இன்று காலை சென்னை, அண்ணா அறிவாலயத்தில் உள்ள கழக அலுவலகத்தில், கருணாநிதியின் கடிதங்கள் - அறிக்கைகள் - பேட்டிகள் மற்றும் தி.மு.கழகச் செய்தி வெளியீடுகள், நிகழ்வுகள் அனைத்தும் குறுஞ்செய்தி மூலம் காணும் சேவையினை கருணாநிதி துவக்கி வைத்தார்.
இக்குறுஞ்செய்தி வசதியினை கருணாநிதியின் இணையதள நிர்வாகிகள் என். நவீன் - எஸ். சுரேஷ் ஆகியோரின் முயற்சியால் உருவாக்கப்பட்டது.
இக்குறுஞ்செய்தி வசதியினை பயன்படுத்த வேண்டுவோர்,
"DMK (space) (District Name) என டைப் செய்து,
"56070"
என்ற எண்ணுக்கு குறுஞ்செய்தி அனுப்பினால் கருணாநிதி கடிதம், அறிக்கை, பேட்டிகள் மற்றும் தலைமைக் கழகச் செய்தி வெளியீடுகள் அனைத்தும் வருகிற 15-2-2014 முதல் அனுப்பப்படும்.
வளர்ந்து வரும் தொழில்நுட்பத்தின் அனைத்து வசதிகளையும் தன்னகத்தே கொண்ட கருணாநிதியின் முகநூல் மற்றும் டிவிட்டர் மூலம் பயன்படுத்துவோர் மற்றும் புதிதாக செய்திகள் அறிய விரும்புவோர் இத்தொழில்நுட்ப வசதியினை பயன்படுத்திக் கொள்ளலாம்.
இந்நிகழ்வின்போது திமுக பொருளாளர் மு.க.ஸ்டாலின், அமைப்புச் செயலாளர் டி.கே.எஸ்.இளங்கோவன், எம்.பி., தயாநிதி மாறன், எம்.பி., தென்சென்னை மாவட்ட செயலாளர் ஜெ.அன்பழகன், மாணவர் அணிச் செயலாளர் இள.புகழேந்தி ஆகியோர் உடனிருந்தனர்.
இவ்வாறு திமுக தலைமை கழக அறிக்கையில் தெரிவிக்கப்பட்டுள்ளது.
Click it and Unblock the Notifications
Sign in with Google