புதுச்சேரி சட்டசபைத் தேர்தல்: 9 திமுக வேட்பாளர்கள் அறிவிப்பு
சென்னை: புதுச்சேரி மாநிலத்தில் திமுக சார்பில் போட்டியிடும் 9 வேட்பாளர்களைக் கொண்ட பட்டியலை திமுக தலைமைக் கழகம் இன்று வெளியிட்டுள்ளது.
புதுச்சேரி சட்டசபைத் தேர்தலுக்கான வாக்குப்பதிவு மே 16ம் தேதி நடைபெறுகிறது. இதற்கான வேட்புமனு தாக்கல் நேற்று தொடங்கியது. சட்டசபைத் தேர்தலில் புதுச்சேரியில் காங்கிரஸ் கட்சியுடன் திமுக கூட்டணி அமைத்து போட்டியிடுகிறது.
புதுச்சேரியில் திமுக 9 இடங்களிலும் காங்கிரஸ் கட்சி 21 இடங்களில் போட்டியிடுவதென தொகுதி உடன்பாடு ஏற்பட்டுள்ளது.
இதைத் தொடர்ந்து புதுச்சேரியில் திமுக போட்டியிடும் 9 வேட்பாளர்கள் பட்டியலை இன்று அறிவித்துள்ளது.
திமுக வேட்பாளர்கள் பட்டியல்:
1.முத்தியால்பேட்டை - எஸ்.பி.சிவக்குமார்
2.மண்ணாடிப்பட்டு - ஏ.கிருஷ்ணன் (எ) குமார்
3.தட்டாஞ்சாவடி - என்.கலியபெருமாள்
4.உருளையன்பேட்டை - இரா.சிவா
5.உப்பளம் - வி.அனிபால் கென்னடி
6.மங்களம் - சண்.குமரவேல்
7.முதலியார் பேட்டை - எஸ்.சுரேஷ்
8.காரைக்கால் (தெற்கு) -ஏ.எம்.எச்.நாஜிம்
9.நிரவி- திரு- பட்டினம் - ஏ.கீதா ஆனந்தன்