என்னம்மா இப்டி பண்றீங்களேம்மா... ‘சிங்கம்’ ஸ்டைலில் ஜெ.வுக்கு ஹேப்பி பர்த்டே சொல்லும் திமுக!

Updated: Tuesday, February 23, 2016, 11:00 [IST]

Subscribe to Oneindia Tamil

சென்னை: தமிழக முதல்வர் ஜெயலலிதா நாளை தனது 68வது பிறந்தநாளைக் கொண்டாட இருக்கிறார். முன்னதாகவே அவரது பிறந்தநாளை அதிமுக தொண்டர்கள் கோலாகலமாகக் கொண்டாடத் தொடங்கி விட்டனர்.

இந்த நிலையில் ஜெயலலிதா பிறந்த நாளை திமுகவும் வித்தியாசமான முறையில் இன்றே "கொண்டாடி" விட்டது.

அதாவது, இன்றைய நாளிதழ்களில் திமுக சார்பில் ஒரு பக்க விளம்பரம் அளிக்கப்பட்டுள்ளது. அதில், ‘5 வருஷத்துல முதல்வரை ஸ்டிக்கர்ல பார்த்திருப்பீங்க, பேனர்ல பாத்திருப்பீங்க, ஏன் டிவில பார்த்திருப்பீங்க... நேர்ல பார்த்திருக்கீங்களா?' என சிங்கம் பட டயலாக் ஸ்டைலில் கூறப்பட்டுள்ளது.

பஞ்ச் டயலாக்...

கூடவே, ‘என்னம்மா இப்டி பண்றீங்களேம்மா..' என்ற பன்ச் வைத்து பட்டையைக் கிளப்பியுள்ளனர். தமிழ் செய்தித்தாள்களில் தமிழிலும், ஆங்கில செய்தித்தாள்களில் தங்கிலீஷிலும் இந்த வாசகங்கள் இடம்பெற்றுள்ளன.

விளம்பரம்...

இது தவிர சன் டிவி மற்றும் கலைஞர் டிவியிலும் இது விளம்பரமாக ஒளிபரப்பப்பட்டு வருகிறது.

பர்த்டே கிப்ட்...

இந்த விளம்பரமானது நாளை பிறந்தநாள் கொண்டாடவுள்ள ஜெயலலிதாவிற்கு திமுகவின், நமக்கு நாமே டீமின் பிறந்தநாள் பரிசு என சமூகவலைதளப் பக்கங்களில் குறிப்பிடப்பட்டுள்ளது. மேலும் ஹேஷ்டேக் போட்டும் இதைப் பிரபலப்படுத்தி வருகின்றனர் திமுகவினர்.

அட்வான்ஸ் வாழ்த்துக்கள்...

நாளைக்கு தானே பிறந்தநாள், பிறகு ஏன் இன்றே பரிசு எனக் கேட்கிறீர்களா..? நாளை தான் அனைத்து செய்தித்தாளின் முதல் பக்கத்திலும் அதிமுகவினர் அம்மாவிற்கு வாழ்த்து கூற அட்வான்ஸ் புக் பண்ணியிருப்பார்களே. அதான் இந்த அட்வான்ஸ் பிறந்தநாள் பரிசு போல...!

இன்னும் என்னவெல்லாம் பண்ண காத்திருக்கங்கலோ
Posted by Kaja Mohideen onMonday, February 22, 2016

நூதன பிரச்சாரம்...

இன்னும் சில மாதங்களில் தமிழகத்தில் சட்டசபைத் தேர்தல் நடைபெறவுள்ள நிலையில், திமுக வித்தியாசமான முறையில் இந்த விளம்பரத்தை அளித்துள்ளது குறிப்பிடத்தக்கது.

என்னம்மா இப்டி பண்றீங்களேம்மா...