திமுக பொதுச்செயலாளராக துரைமுருகன் நியமனம்?

சென்னை: திமுக பொதுச் செயலாளராக துரைமுருகன் நியமிக்கப்படலாம் என்று தெரிகிறது.

திமுக பொதுச்செயலாளர் பதவியில் நீண்டகாலம் இருந்து வருகிறார் பேராசிரியர் க. அன்பழகன். முதுமை மற்றும் உடல்நலக் குறைவால் தொடர்ந்தும் அப்பதவியில் அவர் நீடிக்காமல் ஒதுங்கி இருக்க விரும்புகிறார்.

இதனால் டிசம்பர் 1-ந் தேதி கூடும் திமுக பொதுக் குழுவில் பொதுச்செயலர் பதவியில் அன்பழகனுக்கு பதில் ஒருவரை நியமிக்க கருணாநிதி முடிவு செய்துள்ளாராம். திமுகவில் பொதுச்செயலர், பொருளாளர் பதவி இரண்டும் முக்கியத்துவம் வாய்ந்தது என்று கருதப்படுகிறது.

இதனால் பொருளாளர் பொறுப்பில் தொடர்ந்தும் மு.க. ஸ்டாலினும் பொதுச்செயலர் பொறுப்பில் ஸ்டாலின் ஆதரவாளரான துரைமுருகனும் நியமிக்கப்படலாம் என்று அறிவாலய வட்டாரங்கள் தெரிவிக்கின்றன.

English summary

DMK Sources said, Senior leader and Former Minister Durai Murugan may be appoint the party's new Genral Secretary on its Dec 1 general body meeting.