கருணாநிதி உடல்நிலை கருதி புத்தாண்டு வாழ்த்து தெரிவிக்க வருவதை தவிர்க்கவும்- திமுக

சென்னை: கருணாநிதியின் உடல்நிலையைக் கருத்தில் கொண்டு, அவரை நேரில் சந்தித்து புத்தாண்டு வாழ்த்துகள் தெரிவிப்பதைத் தவிர்க்குமாறு திமுக வேண்டுகோள் விடுத்துள்ளது.

இதுகுறித்து தி.மு.க. தலைமைக் கழகம் வெளியிட்டுள்ள அறிவிப்பு:

தி.மு.க. அமைப்புத் தேர்தலில் தேர்ந்தெடுக்கப்பட்டு அறிவிக்கப்பட்டுள்ள மாவட்ட நிர்வாகிகள், ஏற்கனவே கருணாநிதியைச் சந்தித்து வாழ்த்து பெற்று சென்றிருக்கின்றனர்.

கருணாநிதியின் உடல் நலம் கருதி ஜனவரி 1-ந்தேதி ஆங்கில புத்தாண்டு தினத்தன்று கருணாநிதியை சந்தித்து புத்தாண்டு வாழ்த்துகளைப் பரிமாறிக்கொள்ள வேண்டும் என்று மாவட்ட நிர்வாகிகள், தொண்டர்கள் சென்னைக்கு வருவதைத் தவிர்த்திட கேட்டுக் கொள்ளப்படுகிறார்கள்.

-இவ்வாறு அந்த அறிவிப்பில் கூறப்பட்டுள்ளது.

English summary

DMK announced party cadres to avoid meeting Karunanidhi on New Year due to his poor health.