தொண்டர்களைச் சந்திக்கிறார் கருணாநிதி... 92வது பிறந்த நாளன்று!
சென்னை: திமுக தலைவர் கருணாநிதியின் 92வது பிறந்த நாள் ஜூன் 3ம் தேதி கொண்டாடப்படவுள்ளது. இதையொட்டி பல்வேறு நிகழ்ச்சிகளுக்கு திமுக ஏற்பாடு செய்துள்ளது.
திமுக தலைவர் கருணாநிதியின் 92 வது பிறந்தநாள் 3ம் தேதி கொண்டாடப்படுகிறது. இதை திமுகவினர் மாநிலம் முழுவதும் உற்சாகத்துடன் கொண்டாட தயாராகி வருகின்றனர்.
தனது பிறந்த நாளன்று கருணாநிதி காலை 7 மணிக்கு அண்ணா நினைவிடத்திலும், 7.15 மணிக்கு பெரியார் நினைவிடத்திலும் மலர் வளையம் வைத்து மரியாதை செலுத்துகிறார்.
அதன் பின்னர் அண்ணா அறிவாலயத்திற்கு அவர் வருகிறார். அங்குள்ள கலைஞர் அரங்கில் திமுக தொண்டர்களைச் சந்தித்து வாழ்த்துகளைப் பெறுகிறார். இந்த சந்திப்பின்போது விதம் விதமான பரிசுகளை திமுகவினர் கருணாநிதிக்கு வழங்குவார்கள் என்பது குறிப்பிடத்தக்கது.
இதைத் தொடர்ந்து அன்று மாலை 6 மணிக்கு ராயப்பேட்டை ஒய்.எம்.சி.ஏ. மைதானத்தில் நடக்கும் பொதுக்கூட்டத்தில் கருணாநிதி பேசுகிறார்.
Click it and Unblock the Notifications
Sign in with Google