ஹாரிஸ் மியூசிக்கில் "வா வா தலைவா வணக்கம் வணக்கம்..."!
சென்னை: திமுக தலைவர் கருணாநிதியின் 92வது பிறந்த நாளையொட்டி இசையமைப்பாளர் ஹாரிஸ் ஜெயராஜ் இசையில் வாலியின் வரிகளில் வா வா தலைவா வணக்கம் வணக்கம் என்ற பாடல் காட்சியும், வீடியோ தொகுப்பும் வெளியிடப்பட்டுள்ளது.
கருணாநிதியின் இணையதளத்தில் இந்த பாடலும், காட்சித் தொகுப்பும் புதிய வடிவில் வெளஇயிடப்பட்டுள்ளது.
ஹாரிஸ் இசையமைப்பில், உன்னி மேனன், திப்பு, ஹரிச்சரண், தேவன், விஜயகோபால், சின்மயி, சாருலதா, மதுமிதா, திவ்யா, நேஹா, நதிஷா ஆகியோர் பாடியுள்ளனர்.
கருணாநிதியின் அருமை பெருமைகளை எடுத்துரைக்கும் வகையிலான இந்தப் பாடல் மற்றும் காட்சிகளில், ஆரம்ப கால கருணாநிதியை பார்த்து ரசிக்கலாம்.
வீடியோவைப் பார்க்கும்போது மறக்காமல் கனிமொழி குட்டிப் பாப்பாவாக ஒரு காட்சியில் தோன்றி மறைவதைக் காணத் தவறாதீர்கள்!
வீடியோவுக்கான இசை ரொம்ப நிதானமாக இருக்கிறது.. வெற்றிலை பாக்குப் போட்டுக் கொண்டே ட்யூன் போட்டிருப்பார் போல ஹாரிஸ்... அவ்வளவு நிதானம்!