பொங்கல் விடுமுறை அறிவிப்பு.. மத்திய அரசை கண்டித்து ஸ்டாலின் தலைமையில் 11ம் தேதி திமுக ஆர்ப்பாட்டம்
பொங்கல் விடுமுறையை கட்டாய விடுமுறை பட்டியலில் இருந்து நீக்கிய மத்திய அரசின் முடிவை கண்டித்து திமுக சார்பில் ஆர்ப்பாட்டம் நடைபெறும் என அறிவிக்கப்பட்டுள்ளது.
சென்னை: பொங்கல் விடுமுறையை கட்டாய விடுமுறை பட்டியலில் இருந்து நீக்கிய மத்திய அரசின் முடிவை கண்டித்து வரும் 11 ஆம் தேதி திமுக செயல்தலைவர் ஸ்டாலின் தலைமையில் ஆர்ப்பாட்டம் நடைபெறும் என அறிவிக்கப்பட்டுள்ளது.
பொங்கல் பண்டிகைக்கு நாடு முழுவதும் கட்டாய விடுமுறை கிடையாது என்று மத்திய அரசு அறிவித்துள்ளது. பொங்கல் பண்டிகைக் கொண்டாடுபவர்கள் மட்டும் விடுமுறை எடுத்துக்கொள்ளலாம் என மத்திய அரசு அறிவித்துள்ளது. இதற்கு பல்வேறு அரசியல் கட்சி தலைவர்கள் கண்டனம் தெரிவித்து வருகின்றனர்.
இந்நிலையில் கட்டாய விடுமுறை பட்டியலில் இருந்து பொங்கல் விடுமுறையை நீக்கியதைக் கண்டித்து திமுக சார்பில் ஆர்ப்பாட்டம் நடைபெறும் என அறிவிக்கப்பட்டுள்ளது.
சென்னை, வள்ளுவர் கோட்டம் அருகே ஜனவரி 11 ஆம் தேதி மாலை 4 மணிக்கு ஆர்ப்பாட்டம் நடைபெறும் எனவும், இந்த ஆர்ப்பாட்டத்திற்கு திமுக செயல் தலைவர் ஸ்டாலின் தலைமை தாங்குவார் என அக்கட்சியின் தலைமைக் கழகம் அறிவித்துள்ளது.
Click it and Unblock the Notifications
Sign in with Google