சீக்கிரமே திமுக சந்தி சிரிக்கும்.. மு.க.அழகிரி சாபம்!

Published: Sunday, July 20, 2014, 11:23 [IST]

Subscribe to Oneindia Tamil

மதுரை: திமுகவில் நிறைய நடக்கிறது. அவை வெளியில் வரும்போது சந்தி சிரிக்கும். அது விரைவில் நடக்கும் என்று மு.க.அழகிரி கூறியுள்ளார்.

நாடாளுமன்றத் தேர்தல் படு தோல்விக்குப் பின்னர் திமுக எடுத்த அதிரடி நடவடிக்கைகளில் ஒன்றாக முன்னாள் அமைச்சர்களான முல்லைவேந்தன், பழனி மாணிக்கம் உள்ளிட்டோர் கட்சியை விட்டு சஸ்பெண்ட் செய்யப்பட்டனர்.

இந்த நிலையில் தற்போது இதில் முல்லைவேந்தனை திமுக நிரந்தரமாக கட்சியை விட்டு நீக்கியுள்ளது. அதேசமயம், பழனி மாணிக்கத்தையும், தர்மபுரி வடக்கு மாவட்டச் செயலாளர் இன்பசேகரனையும் கட்சித் தலைமை மீண்டும் கட்சியில் இணைத்துள்ளது.

இதுகுறித்து மு.க.அழகிரி கருத்து தெரிவித்துள்ளார்.

அவரும் இதையேதானே சொன்னார்

இதுகுறித்து அவர் கூறுகையில், முன்னாள் அமைச்சர் முல்லைவேந்தன் கட்சியில் இருந்து நீக்கப்பட்டுள்ளார். ஆனால் முல்லைவேந்தன் என்ன கருத்தை சொன்னாரோ, அதே கருத்தைத்தான் கே.பி.ராமலிங்கம் எம்.பி.யும், கூறியிருந்தார்.