13ம் தேதி சென்னையில் ஸ்டாலின் தலைமையில் திமுக இளைஞர் அணி ஆலோசனை கூட்டம்
சென்னை: திமுக இளைஞர் அணி அமைப்பாளர்கள் மற்றும் துணை அமைப்பாளர்கள் கலந்து கொள்ளும் ஆலோசனைக் கூட்டம் வரும் 13ம் தேதி கட்சியின் பொருளாளர் மு.க.ஸ்டாலின் தலைமையில் நடைபெறுகிறது.
திமுக இளைஞர் அணி ஆலோசனைக் கூட்டம் வரும் 13ம் தேதி அன்று (செவ்வாய்க்கிழமை) காலை 9.00 மணிக்கு சென்னை, தேனாம்பேட்டையில் உள்ள "அன்பகத்தில்" திமு கழக பொருளாளரும், மாநில இளைஞர் அணிச் செயலாளருமான மு.க.ஸ்டாலின் தலைமையில் நடைபெறுகிறது.
இந்த ஆலோசனைக் கூட்டத்திற்கு மாநில இளைஞர் அணி துணைச் செயலாளர்கள் மா.சுப்பிரமணியன், அசன் முகமது ஜின்னா, ஜி.சுகவனம், ஐ.பி.செந்தில்குமார், சுப.சந்திரசேகர் மற்றும் பனைமரத்துப்பட்டி இராஜேந்திரன் ஆகியோர் முன்னிலை வகிக்கினறனர்.
இந்த கூட்டத்தில் மாநில, மாவட்ட, மாநகர இளைஞர் அணி அமைப்பாளர்கள் மற்றும் துணை அமைப்பாளர்கள் கலந்து கொள்ள உள்ளனர்.
தமிழகத்தில் இளைஞரணியை வலுப்படுத்துவது குறித்தும், குறிப்பாக தென் மாவட்டத்தில் திமுக இளைஞரணியை மிகவும் துடிப்பாக வைத்திருப்பது என்றும், சட்டசபை தேர்தலுக்கு இப்போது முதலே இளைஞரணியை தயார்படுத்தும் விதமாக ஆலோசனைக் கூட்டத்தில் விவாதிக்கப்படும் என தெரிய வருகின்றது.
Click it and Unblock the Notifications
Sign in with Google