50 வரைக்கும் உனக்கு அரசியல் வேணாம் தம்பி: விஜய்க்கு எஸ்.ஏ.சி. அறிவுரை
சென்னை: 50 வயது வரை அரசியல் பற்றி நினைக்காமல் நடிப்பில் மட்டும் கவனம் செலுத்துமாறு விஜய்க்கு அவரது தந்தை எஸ்.ஏ. சந்திரசேகர் அறிவுரை வழங்கியுள்ளாராம்.
இளைய தளபதி விஜய்க்கு தமிழகத்தில் ஏராளமான ரசிகர்கள் உண்டு. இந்நிலையில் அவருக்கு அரசியலுக்கு வர வேண்டும், புதிய கட்சி துவங்க வேண்டும், தமிழகத்தின் முதல்வர் ஆக வேண்டும் என்ற ஆசை உள்ளது.
அவரது அரசியல் ஆசையை நிறைவேற்ற அவரது ரசிகர்கள் காத்துக் கிடக்கிறார்கள்.
முதல்வர்
விஜய்க்கு முதல்வர் ஆசை என்று வந்ததோ அன்றில் இருந்து அவரது படங்கள் படாதபாடு பட்டு ரிலீஸாகிறது. படத்திலும் அவர் யாரையாவது குத்திப் பேசுவது போன்று பஞ்ச் வசனம் வைத்து சிக்கிக் கொள்கிறார்.
கருத்துக்கணிப்பு
எந்த சினிமா பிரபலம் அரசியலுக்கு வந்தால் தமிழகத்தில் நல்லது நடக்கும் என அண்மையில் பிரபல வார இதழ் கருத்துக்கணிப்பு ஒன்றை நடத்தியது.
விஜய்
வார இதழ் நடத்திய கருத்துக்கணிப்பில் கலந்து கொண்டவர்களில் 75 சதவீதம் பேர் இளைய தளபதி விஜய்க்கு தான் வாக்களித்துள்ளனர்.
வேண்டாம் தம்பி
50 வயது வரை அரசியலை பற்றி நினைக்காமல் நடிப்பில் மட்டும் கவனம் செலுத்து என விஜய்க்கு அவரது தந்தையும், இயக்குனருமான எஸ்.ஏ. சந்திரசேகர் அறிவுரை வழங்கியுள்ளாராம்.