முதல்வராக பதவியேற்றார் அன்புமணி: மது ஒழிந்தது... இலவச கல்வி வந்தது... என்னா ஒரு விளம்பரம்!

By Mayura Akilan

Updated: Friday, February 26, 2016, 14:26 [IST]

Subscribe to Oneindia Tamil

சென்னை: அதிமுகவை தாக்கி திமுகவும், திமுகவை தாக்கி அதிமுகவும் மாறி மாறி விளம்பரம் செய்து வரும் நிலையில் பாட்டாளி மக்கள் கட்சியின் முதல்வர் வேட்பாளர் அன்புமணி, முதல்வராக உறுதிமொழி எடுத்துக்கொள்வது போல விளம்பரம் செய்து வருகிறார்.

கடந்த இரண்டு ஆண்டுகளாகவே சட்டசபைத் தேர்தலுக்கு தயாராகி வருகிறது பாட்டாளி மக்கள் கட்சி. மண்டல மாநாடுகள், ஊர் ஊராகச் சென்று மக்களைச் சந்தித்தல் என்று வாக்கு வங்கியைப் பலப்படுத்தியது.

பாமக தனது முதல்வர் வேட்பாளராக டாக்டர் அன்புமணி ராமதாஸை அறிவித்து அவரது தலைமையில் களப் பணியாற்றி வருகிறது.

மாற்றம் முன்னேற்றம்

மாற்றம் முன்னேற்றம் அன்புமணி என்று போஸ்டர் ஒட்டிய கையோடு, முதல்வர் வேட்பாளர் அன்புமணி, அடிக்கடி சென்று மக்களைச் சந்தித்து போராட்டங்களில் ஈடுபட்டார்.

பூரண மதுவிலக்கு

பாமக. முதல் நாள் முதல் கையெழுத்து பூரண மதுவிலக்கு என்றும் போஸ்டர் ஒட்டியது பாட்டாளி மக்கள் கட்சி. இலவச கல்வி, சுகாதாராம் என்று அறிவித்து பிரச்சாரம் செய்து வருகிறது.

வேட்பாளர்கள் தயார்

விருப்பமனு வாங்கிய கையோடு, நேர்காணலை முடித்து இப்போது வேட்பாளர் பட்டியலையும் தயாராக வைத்துள்ளார் டாக்டர் ராமதாஸ். முதல்வர் வேட்பாளரான அன்புமணியை முதல்வராகவே உறுதி மொழி எடுத்துக் கொள்ளும் வகையில் விளம்பரப்படுத்தவும் தொடங்கி விட்டார் டாக்டர் ராமதாஸ்.

அன்புமணி ஆசிய நான்

பூரணமாக மதுவை ஒழிப்பேன் என்று தொடங்கி, ஊழலை ஒழிப்பேன், கல்வி, சுகாதாரத்தை இலவசமாக அளிப்பேன். ஒரு வீட்டிற்கு ஒருவருக்கு வேலை அளிப்பேன். அனைவரும் தன்மானத்தோடு, கண்ணியமாக வாழ வழி செய்வேன், வாருங்கள் இணைவோம், புதியதோர் தமிழகம் செய்வோம் என்று உறுதி மொழி எடுக்கிறார் அன்புமணி.

Let's unite to create a new and vibrant Tamil Nadu together. pic.twitter.com/RhtCc0Kajt
— Dr ANBUMANI RAMADOSS (@draramadoss) February 26, 2016

மக்களிடம் எடுபடுமா?

ஆளும் கட்சியும், எதிர்கட்சியும் மாறி மாறி தூற்றிக்கொண்டிருக்க, அன்புமணி முதல்வராகவே உறுதி மொழி எடுத்துக்கொள்வது போல விளம்பரம் செய்து வருகிறார். இது வாக்காளர்களிடம் எந்த அளவிற்கு எடுபடும் என்பது தேர்தலில் தெரியவரும்.