தென்காசி: திமுக கூட்டணி சார்பில் டாக்டர் கிருஷ்ணசாமி போட்டி!

சென்னை: லோக்சபா தேர்தலில் தென்காசி தொகுதி புதிய தமிழகம் வேட்பாளராக அக்கட்சித் தலைவர் டாக்டர் கிருஷ்ணசாமி போட்டியிடுவார் என்று அறிவிக்கப்பட்டுள்ளது.

தி.மு.க தலைமையிலான ஜனநாயக முற்போக்கு கூட்டணியில் புதிய தமிழகம் கட்சிக்கு தென்காசி தொகுதி ஒதுக்கப்பட்டது.

இதைத் தொடர்ந்து தென்காசி வேட்பாளரை தேர்வு செய்ய அக்கட்சியின் உயர்நிலைக்குழு கூட்டம் டாக்டர் கிருஷ்ணசாமி தலைமையில் சென்னையில் இன்று நடைபெற்றது.

இக் கூட்டத்திற்கு பின்னர் செய்தியாளர்களிடம் பேசிய டாக்டர் கிருஷ்ணசாமி, கட்சியின் உயர்நிலைக்குழு எடுத்த முடிவின்படி தென்காசி லோக்சபா தொகுதியில் நானே போட்டியிடுகிறேன் என்றார்.

ஒட்டப்பிடாரம் சட்டசபை தொகுதி எம்.எல்.ஏவாக டாக்டர் கிருஷ்ணசாமி அந்த பதவியை ராஜினாமா செய்ய இருக்கிறார். இதனால் ஒட்டப்பிடாரம் சட்டசபை தொகுதி இடைத்தேர்தலை எதிர்கொள்ள இருக்கிறது.

தென்காசி லோக்சபா தொகுதியில் டாக்டர் கிருஷ்ணசாமி மகள் டாக்டர் சங்கீதா போட்டியிடுவார் என்று கூறப்பட்டது. ஆனால் டாக்டர் கிருஷ்ணசாமியே தற்போது போட்டியிடுவார் என்று அறிவிக்கப்பட்டுள்ளது. இந்நிலையில் ஒட்டப்பிடாரம் இடைத் தேர்தலில் தமது மகளை டாக்டர் கிருஷ்ணசாமி நிறுத்தக் கூடும் எனத் தெரிகிறது.

English summary

Puthiya Tamizhagam leader Dr Krishnaswamy said that he is Tenkasi candidate of party for the lok sabha elections.