இதோ இன்னும் ஒரு கட்சி... தொடங்கி வைத்தார் டாக்டர் ராமதாஸ்

சென்னை: கோகுல மக்கள் கட்சி என்ற ஒரு புதிய கட்சி தொடங்கப்பட்டுள்ளது. இந்தக் கட்சியை பாமக நிறுவனர் டாக்டர் ராமதாஸ் தொடங்கி வைத்தார்.

எம்.வி.சேகர்தான் இந்தக் கட்சியின் நிறுவனர், தலைவர். இக்கட்சியின் தொடக்க விழா மயிலாப்பூரில் நடந்தது. சிறப்பு விருந்தினராக டாக்டர் ராமதாஸ் கலந்து கொண்டு கட்சியைத் தொடங்கி வைத்து, கட்சியின் நீலம், பச்சை, சிவப்பு நிறம் அடங்கிய கொடியையும் வெளியிட்டார்.

ஜாதிக் கட்சித் தலைவர்கள்

இந்த கட்சித் தொடக்க விழாவில் பார்வர்ட் பிளாக் தலைவர் பி.டி.அரசகுமார், சமீபத்தில் பிறந்த கொங்கு நாடு ஜனநாயக மக்கள் கட்சித் தலைவர் நாகராஜ், வேட்டுவகவுண்டர் சங்கத்தின் தலைவர் முனுசாமி, செங்குந்தர் - பிள்ளைமார் கூட்டமைப்புத் தலைவர் கே.ராஜன் ஆகிய ஜாதிக் கட்சிகளின் தலைவர்களும், அமைப்புகளின் தலைவர்களும் கலந்து கொண்டனர்.

கட்சியின் அடிப்படைக் கொள்கை

சமதர்ம சமதாய மேம்பாட்டிற்கு பாடுபடுதல், போதை பழக்கத்தில் இருந்து மக்களை விடுவித்தல், நாட்டில் தொழிற்சாலைகளை உருவாக்கி இளைஞர்களுக்கு வேலைவாய்ப்பை உருவாக்குதல் ஆகியவை கட்சியின் அடிப்படை கொள்கைகளாக வகுக்கப்பட்டுள்ளதாக புதிய கட்சியின் கொள்கைகளாக அறிவிக்கப்பட்டுள்ளது.

இதுக்கும் சீட் கேட்பார்களா.. பாஜகவிடம்

இந்தக் கட்சியும் பாமக தலைமையிலான கூட்டணியில் இடம் பெறுகிறது. ஏற்கனவே தனது கூட்டணியில் இடம் பெற்றுள்ள ஜாதிக் கட்சிகளுக்காக பாஜகவிடம் சீட் கேட்டு வருகிறார் ராமதாஸ் என்கிறார்கள். தற்போது பிறந்துள்ள இந்த கோகுலுக்காகவும் அவர் சீட் கேட்பாரா என்பது தெரியவில்லை.

English summary

PMK founder Dr Ramadoss launched a new political party named Gokula Makkal katchi, headed by M V Sekhar.