நின்றார்கள்... நடத்தினார்கள்... வென்றார்கள்: டுவிட்டரில் ராமதாஸ் கிண்டல்

சென்னை: ஸ்ரீரங்கம் இடைத்தேர்தலை அவர்களே நின்றார்கள்.. அவர்களே நடத்தினார்கள்... அவர்களே வென்றார்கள்!" என்று பாமக நிறுவனர் ராமதாஸ், என கூறியுள்ளார்.

பெரிதும் எதிர்பார்க்கப்பட்ட ஸ்ரீரங்கம் தொகுதி இடைத்தேர்தல் முடிவு இன்று அறிவிக்கப்பட்டது. அதிமுக வேட்பாளர் வளர்மதி தன்னை எதிர்த்து போட்டியிட்ட திமுக வேட்பாளர் ஆனந்தனை விட பெருவாரியான வாக்குகள் வித்தியாசத்தில் வெற்றி பெற்றுள்ளார்.

இந்த வெற்றியை அதிமுகவினர் கொண்டாடி வரும் வேளையில் எதிர்கட்சியினர் விமர்சனம் செய்து வருகின்றனர். தேர்தலில் போட்டியிடாமல் விலகிய கட்சியினரும் தங்களின் கருத்துக்களை பதிவு செய்து வருகின்றனர்.

இந்த நிலையில் ஸ்ரீரங்கம் இடைத்தேர்தல் முடிவினை விமர்சித்து தனது கருத்தினை டுவிட்டரில் பதிவு செய்துள்ளார் டாக்டர் ராமதாஸ்.

எத்தனை பேருக்கு சிறை

ஏற்கனவே ஸ்ரீரங்கம் இடைத்தேர்தல் பற்றி தினசரி டுவிட்டரில் கருத்து தெரிவித்து வந்தார் டாக்டர் ராமதாஸ். தேர்தலில் கள்ள ஓட்டு போட முயன்றால் ஓராண்டு சிறை என்று தேர்தல் ஆணையம் எச்சரித்ததை கிண்டலடித்த டாக்டர் ராமதாஸ், அப்படியா? இதுவரை எத்தனை பேர் சிறைக்குப் போயிருக்காங்க? என்று கேட்டார்.

உலகம் நம்புதா?

இடைதேர்தலுக்கு முதல்நாள் தனது டுவிட்டரில் பதிவிட்டுள்ள டாக்டர் ராமதாஸ், திருவரங்கம் இடைத்தேர்தல் நியாயமாக நடத்தப்படும் என தேர்தல் ஆணையம் உறுதி: அப்படியா... இன்னுமா உங்களை இந்த உலகம் நம்புகிறது? என்று கேட்டுள்ளார்.

திருவரங்கம் தேர்தல் முடிவு: யார் ஆச்சரியப்பட என்ன இருக்கிறது. அவர்களே நின்றார்கள்.. அவர்களே நடத்தினார்கள்... அவர்களே வென்றார்கள்!

— Dr S RAMADOSS (@drramadoss) February 16, 2015

அவர்களே நடத்தினார்கள்

"திருவரங்கம் தேர்தல் முடிவு: யார் ஆச்சரியப்பட என்ன இருக்கிறது. அவர்களே நின்றார்கள்.. அவர்களே நடத்தினார்கள்... அவர்களே வென்றார்கள்!"என்றும் அவர் கூறியுள்ளார்.

கிண்டல்தான்

ஸ்ரீரங்கம் தேர்தலில் போட்டியும் இல்லை; யாருக்கும் ஆதரவும் இல்லை என ஆளுக்கு முதலாக விலகிய பாமகவின் ராமதாஸ், இப்போது கிண்டல் தொணியில் டுவிட்டியுள்ளார் என்பது குறிப்பிடத்தக்கது.

English summary

PMK founder Dr Ramadoss has ridiculed the result of Srirangam by election result