நிதிஷ் குமாரைப் பார்த்து டாக்டர் ராமதாஸ் கேட்டாரே ஒரு கேள்வி!

சென்னை: பீகார் முதல்வர் நிதிஷ் குமார் அணி மாறியதை கிண்டலடித்துள்ளார் பாமக நிறுவனர் டாக்டர் ராமதாஸ்.

பீகார் மாநில முதல்வர் நிதிஷ் குமார், லாலு பிரசாத் யாதவின் ஆதரவை உதறி விட்டு பாஜகவுடன் கை கோர்த்து மறுபடியும் ஆட்சியமைத்து விட்டார்.

அவரது செயல்பாடுகள், பல்டி ஆகியவை கடுமையாக விமர்சிக்கப்பட்டு வருகின்றன. இந்த நிலையில், டாக்டர் ராமதாஸும் தன் பங்குக்கு நிதிஷ் குமாரை வாரியுள்ளார்.

ஒரு குடும்பத்திற்காக சேவை செய்ய முடியாது: நிதிஷ்குமார்- ஓ... குடும்பமே இல்லாதவருக்கு சேவை செய்ய வேண்டும் என்பதற்காகத் தான் அணி மாறினீரோ?

— Dr S RAMADOSS (@drramadoss) July 29, 2017

இதுதொடர்பாக அவர் போட்டுள்ள டிவீட்டில், ஒரு குடும்பத்திற்காக சேவை செய்ய முடியாது: நிதிஷ்குமார்- ஓ... குடும்பமே இல்லாதவருக்கு சேவை செய்ய வேண்டும் என்பதற்காகத் தான் அணி மாறினீரோ? என்று நக்கலடித்துள்ளார் ராமதாஸ்.

அதேபோல தமிழகத்தில் எய்ம்ஸ் மருத்துவமனை விவகாரம் தொடர்பாக அவர் இன்னொரு டிவீட் போட்டுள்ளார்.

எய்ம்ஸ் அமையவுள்ள இடத்தை மத்திய அரசே முடிவு செய்யும்: தமிழக அரசு - அதானே... முதலாளிகள் இருக்கும் போது அடிமைகள் முடிவு செய்யலாமா?

— Dr S RAMADOSS (@drramadoss) July 29, 2017

அதில், எய்ம்ஸ் அமையவுள்ள இடத்தை மத்திய அரசே முடிவு செய்யும்: தமிழக அரசு - அதானே... முதலாளிகள் இருக்கும் போது அடிமைகள் முடிவு செய்யலாமா? என்று தமிழக அரசை சாடியுள்ளார்.

English summary

PMK founder Dr Ramadoss has lashed Bihar CM Nitish Kumar for switching over to BJP combine.