நடித்து முதல்வர் ஆனார்கள்.. இவர் முதல்வராகி நடிக்கிறார்.. ராமதாஸ் செம!
சென்னை: சாலையோரக் கடையில் முதல்வர் எடப்பாடி பழனிச்சாமி டீ குடித்தது குறித்து கிண்டலடித்துள்ளார் பாமக நிறுவனர் டாக்டர் ராமதாஸ்.
ஆ ஊன்னா ஆரவாரமா கிளம்பிடுறாங்க என்று வடிவேலு படத்தில் ஒரு காமெடி வரும். அதே மாதிரி இப்போது தலைவர்கள் டீ சாப்பிடுவதை ஒரு பேஷனாக்கி வருகின்றனர்.
நமக்கு நாமே பயணத்தின்போது ஸ்டாலின் டீ குடித்தாலும் குடித்தார். மற்றவர்களும் அதே மாதிரி டீ குடிக்க ஆரம்பித்து விட்டனர். நேற்று கூட புதுக்கோட்டைக்குப் போன முதல்வர் எடப்பாடி பழனிச்சாமி அங்கு டீ குடித்த காட்சி கலகலப்பை ஏற்படுத்தியுள்ளது.
அதை பாமக நிறுவனர் டாக்டர் ராமதாஸ் நக்கலடித்துள்ளார்.
சாலையோரக் கடையில் டீ குடித்தார் எடப்பாடி பழனிச்சாமி: இதற்கு முன் இருந்தவர்கள் நடித்து முதல்வர் ஆனார்கள்... இவர் முதல்வராகி நடிக்கிறார்!
— Dr S RAMADOSS (@drramadoss) June 10, 2017
சாலையோரக் கடையில் டீ குடித்தார் எடப்பாடி பழனிச்சாமி: இதற்கு முன் இருந்தவர்கள் நடித்து முதல்வர் ஆனார்கள்... இவர் முதல்வராகி நடிக்கிறார் என்று தனது டிவீட்டில் தெரிவித்துள்ளார் ராமதாஸ்.
அதானே!