வர வர "பன்ச் பாலா"வாக மாறி வருகிறாரே டாக்டர் ராமதாஸ்!

சென்னை: பாமக நிறுவனர் டாக்டர் ராமதாஸின் டிவிட்களைப் பார்க்கப் பார்க்க சுவாரஸ்யமாக இருக்கிறது. நல்ல ரசனையாக பன்ச் போட்டு டிவிட் போட்டு எகிறடிக்கிறார் ராமதாஸ்.

அரசியல் நிலவரம், நாட்டு நடப்புகள், கோர்ட் தீர்ப்புகள் என எதையும் விடாமல் தனது ஸ்டைலில் பன்ச் வைத்து வார்த்தைகளைப் போட்டு வறுத்தெடுக்கிறார் சகலரையும்.

அதிமுக ஆட்சியை மட்டும் என்றில்லாமல் திமுகவையும் சேர்த்தே பொறித்துத் தள்ளுகிறது ராமதாஸின் டிவிட்டர் பக்கம். அதிலிருந்து சில...

சென்னை வெள்ள பாதிப்புக்கு யார் காரணம்? கலைஞர் கேள்வி : அப்படியே கண்ணாடியையும், முதலமைச்சர் படத்தையும் மாறி மாறி பாருங்க... விடை தெரியும்!

— Dr S RAMADOSS (@drramadoss) January 6, 2016

மாறி மாறி பாருங்க தலைவரே!

இது கருணாநிதிக்கு அவர் கொடுத்துள்ள ஷொட்டு..!

அதிமுகவினர் குடும்பத்தில் 4பேருக்கு நிவாரண நிதி:அதிமுக 4 எழுத்து,முறைகேடு 4 எழுத்து,நிவாரணம் 4 பேருக்கு கூட்டி கழித்து பாருங்க சரியாக வரும்!

— Dr S RAMADOSS (@drramadoss) January 6, 2016

கூட்டிக் கழிச்சுப் பாருங்க!

நிச்சயம் படிப்பவரை ரசிக்க வைக்கும் இந்த டிவிட்.

ஒரே நாளில் 350 பேனர் வைக்க அதிமுகவுக்கு அனுமதி மெய்சிலிர்க்கிறது: உயர்நீதிமன்றம்- அந்த அனுமதியும் பேனர் வைத்தபிறகே வாங்கப்பட்டது தெரியுமா?

— Dr S RAMADOSS (@drramadoss) January 6, 2016

மெய் சிலிர்க்கிறதே

ஜெயலலிதா பேனர் குறித்த ராமதாஸின் ஆச்சரிய கேள்வி!

துணை ராணுவத்தில் மகளிருக்கு 33% இட ஒதுக்கீடு: ஆனால், பெண் ஆளும் தமிழக காவல்துறையில் மகளிருக்கு இன்னும் இட ஒதுக்கீடு இல்லையே?

— Dr S RAMADOSS (@drramadoss) January 6, 2016

அங்கே ஓகே.. இங்கே?

துணை ராணுவத்தில் மகளிருக்கு 33% இட ஒதுக்கீடு: ஆனால், பெண் ஆளும் தமிழக காவல்துறையில் மகளிருக்கு இன்னும் இட ஒதுக்கீடு இல்லையே?.. பதில் தருவார்களா உரியவர்கள்.??

English summary

PMK Founder Dr Ramadoss has slammed both Jayalalitha and Karunanidhi in his twits.