Just In

'அ(டிமைகள்)திமுக'... பழ. கருப்பையா நீக்கம் குறித்து டாக்டர் ராமதாஸ்

By Mayura Akilan

Updated: Thursday, January 28, 2016, 17:21 [IST]

சென்னை: அ.தி.மு.க.வில் இருந்து பழ.கருப்பையாவை ஜெயலலிதா நீக்கியது பற்றி தனது ட்விட்டர் பக்கத்தில் கருத்து கூறியுள்ள டாக்டர் ராமதாஸ், அடிமைகள் திமுகவில் முதுகெலும்புடன் இருந்தால் இதுதான் பரிசு என்று கிண்டலடித்துள்ளார்.

துக்ளக் ஆண்டுவிழாவில் பேசிய துறைமுகம் சட்டசபை தொகுதி எம்.எல்.ஏ. பழ.கருப்பையா, அதிமுக அமைச்சர்கள், எம்.எல்.ஏக்கள், கவுன்சிலர்களின் செயல்பாடுகள் பற்றி விமர்சனம் செய்திருந்தார். அதே பாணியில் விகடன் இதழுக்கும் பேட்டி கொடுத்திருந்தார்.

இந்நிலையில், அ.தி.மு.க.வின் அடிப்படை உறுப்பினர் உள்பட அனைத்து பொறுப்புகளில் இருந்தும் பழ.கருப்பையாவை நீக்கி அக்கட்சியின் பொதுச்செயலாளரும், தமிழக முதல்வருமான ஜெயலலிதா உத்தரவிட்டுள்ளார். கட்சியின் கொள்கை-குறிக்கோள், கோட்பாட்டிற்கு முரணான வகையில் பழ.கருப்பையா செயல்பட்டதால் நீக்கப்பட்டுள்ளதாக ஜெயலலிதா கூறியுள்ளார்.

அதிமுகவிலிருந்து பழ.கருப்பையா நீக்கம்: அடிமைகள் திமுகவில் முதுகெலும்புடன் இருந்தால் இது தான் பரிசு!
— Dr S RAMADOSS (@drramadoss) January 28, 2016

அடிமைகள் திமுக

பழ. கருப்பையா நீக்கம் தொடர்பாக தனது டுவிட்டர் பக்கத்தில் பா.ம.க. நிறுவனர் ராமதாஸ் கருத்து தெரிவித்து பதிவிட்டுள்ளார். அந்த பதிவில், "அடிமைகள் தி.மு.க.வில் முதுகெலும்புடன் இருந்தால் இதுதான் பரிசு!

பழ.கருப்பையாவை நீக்கினார் ஜெயலலிதா: எப்போதோ நடக்க வேண்டியது... இப்போது நடந்திருக்கிறது. முதுகு வளையாததால் ஒடிக்கப்பட்டிருக்கிறார்!
— Dr S RAMADOSS (@drramadoss) January 28, 2016

ஒடிக்கப்பட்ட முதுகு

எப்போதோ நடக்க வேண்டியது.... இப்போது நடந்திருக்கிறது. முதுகு வளையாததால் ஒடிக்கப்பட்டிருக்கிறார்!" என்று பதிவிட்டு உள்ளார் ராமதாஸ்.

கச்சத்தீவை மீட்க வேண்டும்: மு.க. ஸ்டாலின் & மதுக்கடைகளை திறந்தவங்களே மூட சொல்றாங்க, கச்சத்தீவை தாரை வார்த்தவங்களே மீட்க சொல்றாங்க!
— Dr S RAMADOSS (@drramadoss) January 28, 2016

ஸ்டாலின் மீதும் தாக்கு

கச்சத்தீவை தாரை வார்த்தவர்களே மீட்கச் சொல்கிறார்கள். மதுக்கடைகளை திறந்தவர்களே மூடச்சொல்கின்றனர் என்று பதிவிட்டுள்ளார் கருணாநிதி.

ஓட்டுக்கு பணம் தருவது தடுக்கப்படவேண்டும்: கலைஞர் - திருமங்கலம், பெண்ணாகரம், வந்தவாசி, 2009, 2011 தேர்தல்கள் மீது சத்தியமா சொல்லுங்க கலைஞரே!
— Dr S RAMADOSS (@drramadoss) January 27, 2016

ஓட்டுக்குப் பணம்

ஓட்டுக்கு பணம் கொடுப்பது பற்றிய கருணாநிதியின் கருத்துக்கு பதிவிட்டுள்ள ராமதாஸ், திருமங்கலம், பெண்ணாகரம், வந்தவாசி, 2009, 2011 தேர்தல்கள் மீது சத்தியமா சொல்லுங்க கலைஞரே! என்று கேட்டுள்ளார்.