அரசியலில் மட்டுமல்ல கிரிக்கெட்டிலும் அழகிரி அண்ட் கோவுக்கு அடிதானோ?

திண்டுக்கல்: அரசியலில்தான் அடிமேல் அடி என்றால்... கிரிக்கெட்டிலும் கூட அழகிரி அண்ட் கோவுக்கு அடிவிழுகிறதே என அவரது ஆதரவாளர்கள் குமுறுகின்றனர்.

திமுகவில் இருந்து டிஸ்மிஸ் செய்யப்பட்டு ஆண்டுகள் உருண்டோடிவிட்டன... மு.க. அழகிரி என்ற பெயரே அரசியல் பக்கங்களில் இருந்து காணாமல் போகும் அளவுக்கு நிசப்தமாக இருந்து வருகிறது.

அதேபோல் திமுக ஆட்சிக் காலத்தில் தயாநிதி அழகிரியும் க்ளவுட் நைன், மீகா எண்டர்டெயின்மெண்ட் என சினிமா தயாரிப்பு நிறுவனங்களை நடத்தி வந்தார்.. இந்த நிறுவனங்களும் கூட இருக்கும் இடம் தெரியாமல் இருந்து வருகிறது.

சேவாக், சிம்பு

இந்த நிலையில் தமிழ்நாடு பிரீமியர் லீக் கிரிக்கெட் அறிமுகப்படுத்தப்பட்டது. இந்த லீக் கிரிக்கெட்டில் மதுரை சூப்பர் ஜெயன்ட்ஸ் அணியை உருவாக்கினார் தயாநிதி அழகிரி. இந்த அணியின் அறிமுக விழாவில் வீரேந்திர சேவாக், நடிகர் சிம்பு ஆகியோர் கலந்து கொண்டனர். இதில் நேற்று திண்டுக்கல்

திண்டுக்கல்- மதுரை மோதல்

தற்போது தமிழ்நாடு பிரீமியர் லீக் கிரிக்கெட் போட்டிகள் நடைபெற்று வருகின்றன. இதில் நேற்று திண்டுக்கல் டிராகன்ஸ் அணியும் தயாநிதி அழகிரியின் மதுரை சூப்பர் ஜெயன்ட்ஸ் அணியும் மோதின. திண்டுக்கல் அருகே நத்தத்தில் நடைபெற்ற இந்தப் போட்டியில் முதலில் விளையாடிய திண்டுக்கல் அணி 18 ஓவர்கள் முடிவில் 9 விக்கெட் இழப்புக்கு 142 ரன்கள் எடுத்தது.

தயாநிதி டீம் தோல்வி

பின்னர் ஆடிய தயாநிதி அழகிரியின் மதுரை ஜெயன்ட்ஸ் அணி 18 ஓவரில் 7 விக்கெட் இழப்புக்கு 131 ரன்கள் மட்டுமே எடுக்க முடிந்தது. இதனால் திண்டுக்கல் டிராகன் அணி 14 ரன்கள் வித்தியாசத்தில் வென்றது. தயாநிதி அழகிரியின் மதுரை ஜெயன்ட்ஸ் அணி தோல்வியை தழுவியது.

மு.க. அழகிரி

திண்டுக்கல்- மதுரை அணிகளின் ஆட்டத்தைப் பார்க்க மு.க. அழகிரியும் நேற்று நத்தம் வருகை தந்திருந்தார். தயாநிதி அழகிரி அணி தோல்வியடைந்த போது, ஏப்பு அரசியலில் தான் 'அ' (அழகிரி) அண்ட் கோவுக்கு நேரம் சரியில்லைன்னா... கிரிக்கெட்டிலும் கூடவா அடிவிழுகனும்... பாவம் என கமெண்ட்டுகள் அடித்ததையும் கேட்க முடிந்தது.

English summary

Dindigul Dragons registered a comprehensive 14-run victory (VJD method) against Madurai Super Giants in their first match.