அழகிரி "டிஸ்மிஸ்"... ட்விட்டரில் வடகறி பற்றி சிலாகிக்கும் மகன் துரைதயாநிதி

By Mathi

Updated: Tuesday, March 25, 2014, 16:52 [IST]

Subscribe to Oneindia Tamil

சென்னை: அழகிரியை திமுகவில் இருந்து தற்காலிகமாக நீக்கியதற்காக கவுண்டமணி படத்தைப் போட்டு காமெடி செய்தவர் அவரது மகன் துரை தயாநிதி. ஆனால் அழகிரி டிஸ்மிஸ் செய்யப்பட்டுவிட்ட நிலையிலோ அதைப் பற்றி எந்த கருத்தும் தெரிவிக்காமல் தமது "வடகறி" சினிமா பற்றி பேசிக் கொண்டிருக்கிறார்.

Durai Dayanidhi silent over Azhagiri expel

திமுகவில் இருந்து சில மாதங்களுக்கு முன்பு மு.க. அழகிரி தற்காலிகமாக நீக்கப்பட்டார். அப்போது கருணாநிதிக்கு எதிராக தமது ட்விட்டர் பக்கத்தில் விமர்சனங்களை காட்டமாக முன்வைத்தார் துரைதயாநிதி. அத்துடன் சூரியன் படத்தில் வரும் கவுண்டமணி காட்சி, என்னது சிவாஜிசெத்துட்டாரா என விஜய்சேதுபதி பேசும் காட்சி போன்ற படங்களைப் போட்டு ரகளையாக்கிக் கொண்டிருந்தார் துரை தயாநிதி.

அதன் பின்னரும் அவ்வப்போது அழகிரி செய்திகளை ட்விட்டரில் போட்டு வந்தார். சில நாட்களுக்கு முன்பு வைகோ, அழகிரியை சந்தித்த படத்தையும் போட்டு இருந்தார். அந்தப் பதிவில் கமெண்ட் போட்ட சிலர் ஸ்டாலினை வம்பிக்கிழுத்திருக்கின்றனர். அதையும் துரைதயாநிதி கண்டு கொள்ளவில்லை.

ஆனால் இன்று திமுகவில் இருந்தே மு.க. அழகிரி டிஸ்மிஸ் செய்யப்பட்டுவிட்டார். இந்த நிலையில் துரை தயாநிதியோ தமது ட்விட்டர் பக்கத்தில் அரசியலை பற்றி மூச்சே விடாமல் தமது "வடகறி" படத்தின் இசையமைப்பு குறித்து சில கருத்துகளை மட்டும் பதிவு செய்து அடக்கி வாசித்து கொண்டிருக்கிறார்.