முட்டை இந்த விலை விற்றால்.. நாம எப்படி ஆம்லேட் போடுவது???

சென்னை: முட்டை விலை கிடுகிடுவென உயர்ந்து வருவதால் முட்டைப் பிரியர்கள் சற்றே ஏமாற்றத்தில் உள்ளனர்.

ஆடி மாதம் முடிந்து கல்யாண சீசன் களை கட்டும் ஆவணி பிறந்துள்ளது. இந்த நிலையில் முட்டை விலை உயர்ந்துள்ளது.

நாமக்கல்லில்தான் தேசிய முட்டை ஒருங்கிணைப்பு குழு கூடி விலையை நிர்ணயம் செய்து அறிவிக்கும். அதற்கேற்ப முட்டை விற்கப்படும்.

5 காசு உயர்வு

நாமக்கல்லில் நடந்த தேசிய முட்டை ஒருங்கிணைப்புக் குழுவின் முட்டை விலை நிர்ணயக் கூட்டத்தில் 5 பைசா விலை அதிகரிக்க முடிவு செய்யப்பட்டது.

360 காசு

அதன்படி முட்டை விலை 344 காசிலிருந்து 360 காசாக நிர்ணயம் செய்யப்பட்டது. நாமக்கல் உள்பட தமிழகம் முழுவதும் இந்த முட்டை விலை செல்லும்.

சென்னையில் 4- 4.50

ஆனால் சென்னையி்ல பெரும்பாலான இடங்களில் 4 ரூபாய்க்கும், நாலரை ரூபாய்க்கும் முட்டை விற்கப்படுகிறது. இதனால் முட்டைப் பிரியர்கள் கவலை கொண்டுள்ளனர்.

கொல்கத்தாவில்தான் முட்டை விலை அதிகம்

நாட்டிலேயே கொல்த்தாவில்தான் முட்டை விலை அதிகமாகும். அங்கு ஒரு முட்டை 5 ரூபாய்க்கும் மேலாக விற்கப்படுகிறதாம்.

English summary

Egg price is on rise in Chennai. One egg is selling for Rs 4.50.